Shtetet e Bashkuara e BE-ja, e vendet e QUINT- it dënuan sulmin e së premtes vonë, 29 nëntor, në kanalin e furnizimit me ujë nga liqeni i Ujmanit në veri të Kosovës.
Në një deklaratë të publikuar nga ambasadori amerikan Jeff Hovenier, thuhet se Shtetet e Bashkuara e dënojnë fuqishëm sulmin e 29 nëntorit “në infrastrukturën kritike në Kosovë duke dëmtuar një kanal ujor në Zubin Potok që është thelbësor për furnizimin me ujë të Kosovës dhe funksionimin e termocentraleve të Kosovës. Ne jemi duke e ndjekur situatën nga afër, do të mbështesim një hetim gjithëpërfshirës dhe i kemi ofruar mbështetjen tonë të plotë Qeverisë së Kosovës për të siguruar që personat përgjegjës për këtë sulm kriminal të identifikohen dhe të mbahen përgjegjës”.
“Ne gjithashtu dënojmë sulmet e fundit me granata në stacionin policor të Zveçanit më 26 nëntor dhe në ndërtesën e komunës së Zveçanit më 28 nëntor. Këto veprime të dhunshme nuk kanë vend në një shoqëri demokratike dhe ata që janë përgjegjës për këto sulme kriminale kundër autoriteteve legjitime të Republikës. Së Kosovës duhet të mbahen përgjegjës”, thuhet në reagimin e ambasadorit Hovenier në të cilin theksohet se Shtetet e Bashkuara “do të vazhdojnë të solidarizohen me popullin dhe Qeverinë e Kosovës përballë sulmeve të tilla kriminale”.
“E dënoj sulmin në kanalin e ujit në Zubin Potok që po lë pjesë të konsiderueshme të Kosovës pa furnizim më ujë”, tha në një reagim shefi i zyrës së Bashkimit Evropian në Prishtinë, Aivo Orav.
Edhe Ambasadori i Gjermanisë në Kosovë, Jorn Rohde, ka dënuar fuqishëm sulmin. Ai ka shpërndarë postimi e Shefit të Zyrës së BE-së në Kosovë, Aivo Orav, ku ka bërë thirrje për hetim të plotë dhe vënien e autorëve para drejtësisë. Rohde shkruan më tej se Gjermania është e gatshme të mbështes autoritetet e Kosovës lidhur me zbardhjen e ngjarjes.
“Dënoj fuqishëm sulmin në kanalin e ujit në Zubin Potok që prek komunitetet në mbarë Kosovën. U bëjmë jehonë thirrjeve për hetim të plotë dhe vënien e autorëve para drejtësisë. Gjermania është e gatshme të mbështesë autoritetet kosovare”, ka shkruar Rohde në platformën “X”.
Prej Ibër-Lepencit furnizohen Zubin Potoku, Mitrovica e Jugut, ajo e veriut, Vushtrria, Drenasi, një pjesë e Prishtinës dhe e gjithë Fushë Kosova si dhe Korporata Energjetike e Kosovës.
Bashkimi Evropian ka cilësuar shpërthimin në kanalin e ujësjellësit Ibër-Lepenc në Zubin-Potok si një “akt të neveritshëm sabotimi” ndaj infrastrukturës kritike të Kosovës.
Përfaqësuesi i lartë i BE-së për politikë të jashtme dhe siguri, Josep Borrell, e dënoi sulmin në një komunikatë për media të shtunën pasdite, duke e cilësuar si një kërcënim për ujin e pijshëm dhe sistemin energjetik të Kosovës
BE-ja ka shprehur solidaritet me të prekurit dhe ka kërkuar hetim të plotë, duke u bërë thirrje të gjitha palëve që të bashkëpunojnë me autoritetet e Kosovës. Sulmi, i cili ndodhi më 29 nëntor, ka shkaktuar dëme të konsiderueshme, por ato janë riparuar pjesërisht. Kryeministri Albin Kurti ka konfirmuar arrestimin e disa personave dhe sekuestrimin e materialeve të dyshimta. Sulmi është dënuar gjerësisht nga bashkësia ndërkombëtare, ndërsa autoritetet e Kosovës kanë bërë përgjegjëse Serbinë për ngjarjen.
“Ne qëndrojmë në solidaritet me të gjithë në Kosovë që janë prekur nga ky sulm”, thuhet në komunikatë.
“Akti kriminal i kryer në Zubin-Potok duhet të hetohet dhe përgjegjësit duhet të sillen para drejtësisë. Në këtë aspekt, BE-ja u bën thirrje të gjitha palëve që të bashkëpunojnë plotësisht me autoritetet e Kosovës dhe ne do të vazhdojmë të përcjellim nga afër zhvillimet”, thuhet në deklaratë.
Kryetari i Komisionit për politikë të jashtme të Bundestagut gjerman, Michael Roth, ka reaguar ashpër ndaj shpërthimit të djeshëm në fshatin Varagë të Zubin Potokut, ku u dëmtua kanali i Ibër-Lepencit, një burim i rëndësishëm për furnizimin me ujë të pijshëm dhe për termocentralet që furnizojnë një pjesë të madhe të Kosovës.
Roth e ka cilësuar këtë akt si një "metodë terroriste ruse" dhe ka kërkuar që sulmi të hetohet me rigorozitet.
Në një postim në rrjetin social X, Roth ka theksuar se, nëse Serbia është e përfshirë në këtë sulm, atëherë do të ishte një goditje e rëndë për marrëdhëniet e saj me Bashkimin Evropian: "Këto janë metoda terroriste ruse kundër një vendi sovran në zemër të Evropës. Këto sulme duhet të hetohen pa mëshirë. Nëse Serbia qëndron vërtet pas saj, që shpresoj se nuk është, atëherë ky do të ishte fundi i negociatave të BE-së me Serbinë", ka shkruar ai.
Sulmi në Zubin Potok ka ndodhur të premten në mbrëmje dhe ka shkaktuar dëme të konsiderueshme në infrastrukturën kritike të Kosovës.
Kryeministri Albin Kurti ka njoftuar se lidhur me këtë incident janë bërë arrestime dhe janë siguruar prova materiale. Ai ka garantuar se autorët do të përballen me drejtësinë dhe fuqinë e ligjit.
Pas këtij sulmi, kanë reaguar edhe autoritetet vendore dhe ambasadorët e vendeve të QUINT-it, të cilët e kanë dënuar ashpër aktin dhe kanë shprehur mbështetje për Kosovën. Ata kanë kërkuar që autorët e sulmit të dalin para drejtësisë sa më shpejt.
Parlamenti Evropian ka dënuar sulmin i cili ka dëmtuar kanalin e ujit të Ibër-Lepencit, përkatësisht infrastrukturën kritike në Kosovë.
“Ne shprehim solidaritetin tonë të plotë me qytetarët e Kosovës dhe mbështetjen tonë për institucionet e Kosovës në kryerjen e një hetimi të plotë për identifikimin dhe mbajtjen e përgjegjësive të përgjegjësve për këtë sulm kriminal”, thuhet në komunikatën të cilën në emër të PE-së e kanë nënshkruar Davor Stier kryesues i delegacionit të Parlamentit Evropian për raporte me Kosovën si dhe Riho Terras, raportuesi për Kosovën në këtë institucion.
Emisari i BE-së për dialogun Kosovë-Serbi, Miroslav Lajçk, ka reaguar pas një shpërthim mbrëmjen e së premtes, në Zubin Potok, ku është dëmtuar kanali i ujit të Ibër-Lepencit.
Lajcak, në një postim në platformën X, ka thënë se ndanë të njëjtin qëndrim me shefin e Zyrës së BE-së në Prishtinë, Aivo Orav, dhe ka thënë se ata që janë përgjegjës për sabotimin e infrastrukturës së rëndësishme të Kosovës duhet të mbajnë përgjegjësi.
“Pajtohem plotësisht me shefin e Zyrës së BE-së. Ata që janë përgjegjës për sabotimin e infrastrukturës kritike të Kosovës duhet të mbajnë përgjegjësi”, ka shkruar Lajcak, në X.
Ministria e Jashtme turke ka dënuar sulmin e mbrëmshëm në Ibër Lepenc, duke thënë se shpresojnë që autorët të identifikohen e të dalin para drejtësisë.
Në njoftimin e kësaj ministri thuhet se shprehin solidaritet me Kosovën dhe gatishmëri për të ofruar çdo ndihmë të nevojshme, përcjell Klankosova.tv.
“Shpresojmë që autorët e sulmit të identifikohen dhe të dalin para drejtësisë sa më shpejt të jetë e mundur. Shfrytëzojmë rastin që të shprehim solidaritetin tonë me Kosovën dhe gatishmërinë për të ofruar çdo ndihmë që është nevoja. Ne u bëjmë thirrje të gjitha palëve të veprojnë me përmbajtje për të shmangur përshkallëzimin në rajon”, thuhet në njoftimin e kësaj ministrie.
Lajme të tjera
-
Zjarret në Los Anxhelos, numri i viktimave shkon në 16! Autoritetet lokale: Kemi gjetur mbetje të paidentifikueshme
12 Janar, 07:50 -
SHBA/ Dorëhiqet prokurori Jack Smith, hetoi presidentin Trump për dokumentet sekrete dhe përpjekjen e përmbysjeve të zgjedhjeve në 2020
11 Janar, 22:55 -
Stuhi e fuqishme dimërore në jug e lindje të SHBA
11 Janar, 22:37 -
11 vjet nga mbledhja e parë historike e qeverive Kosovë-Shqipëri
11 Janar, 17:47 -
Danimarka i dërgon mesazh privat mbi Grenlandën ekipit të zotit Trump
11 Janar, 17:21 -
Zjarret në Los Anxhelos, Paris Hilton dhuron 100 mijë dollarë për të prekurit
11 Janar, 16:44 -
Biden dhe Trump përpjekje për armëpushim në Gazë para 20 janarit
11 Janar, 16:36 -
Nga varrimi i Carter! Një imazh i veçantë, 5 presidentë, 379 vjet histori
11 Janar, 16:04 -
Zuckerberg: Biden tha hiqni postimet për Covid e vaksinat! Më 11 janar 2020 u shënua viktima e parë nga virusi në Kinë
11 Janar, 15:04 -
Abuzoi me mamanë e saj për më shumë se një dekadë, vajza e Dominique Pelicot: Babai im duhet të vdesë në burg
11 Janar, 14:29 -
Sanksionet ndaj kompanisë së naftës, DASH i përgjigjet Vuçiçit: S’ka biznes të zakonshëm me Rusinë
11 Janar, 13:28 -
28 parti në garë, nis fushata për zgjedhjet parlamentare në Kosovë
11 Janar, 11:37
