Flet n/kryetari i Kamzës: Isha në plazh, tritolin ma vendosën për arsye politike, policia e fshehu!

Vendim Demaj, n/kryetar i bashkisë së Kamzës ka reaguar për herë të parë pas denoncimit nga PD-ja se tritoli që shpërtheu në pallatin ku ai jeton u vendos te banesa e tij. Policia në njoftimin për mediat thekson se eksplozivi ishte vendosur në pjesën e derës së banesës së marrë me qira nga Paulin Gjecaj, por Vendim Demaj pretendon të kundërtën dhe akuzon policinë për fshehje me qëllim të ngjarjes. Ai thotë se nuk ka konflikte, ndërsa akuzon se gjithcka është politike.

"Diferenca e portës time me të Paulinit është 50 cm. Tritoli dallohet ku është vendosur, por policia  mundohet ti fshehë këto raste, e bën për të humbur vëmendjen politike, mundohen ta bëjnë vendim pa vlerë, ata mundohen të fshehin edhe të vrarë dhe jo më një rast tritoli. Unë nuk kam asnjë konflikt me asnjëri, as brenda Shqipërisë dhe as jashtë. I vetmi konflikt që kam është Edvin Rama dhe Sandër Lleshaj, jo me ata personalisht, por me pushtetin dhe regjimin e tyre, ngaqë i kam demaskuar dhe denoncuar.

Kjo ka ardhur si rezultat i këtyre veprimeve të mija. Unë dhe komshiu nuk kemi qenë, fatmirësisht nuk kemi qenë, pasi kemi qenë në plazh në fundjavë. Dëmet janë të konsiderueshme, 5 kate të pallatit kanë dalë jashtë përdorimit, dyert dhe dritaret. Po të mos ishte PD-ja ata do të kalonin në heshtje si shumë krime të tjera, nuk kam dijeni që ka të ndaluar janë marrë në pyetje disa familjarë, nuk japin asnjë informacion, e mbajnë diskret" tha ai për gazetarin e Report Tv, Arsen Rusta.

Lajmi kryesor:

Tritol një banese në Kthesën e Kamzës| PD: Është e zëvendësit të Mziut! Demaj: Në konflikt jam vetëm me Ramën

/b.ha./Shqiptarja.com

TAG:
• PD
• xhelal mziu
• vendim demaj