Janë 100 ilustrime ksilografike që mbajnë emrin e Salvador Dalisë dhe që shfaqen për të herë të parë në një ekspozitë në galerinë “Naan” në Tiranë. “Ëndrra hyjnore” është kuruar nga Zef Paci dhe Ajola Xoxa dhe sjell punë që Dali i ka përdorur për ilustruar Komedinë Hyjnore të Dante Alighieri-t.
“Nga kritikë e artit botëror ky konsiderohet si grupi i punëve më i rëndësishëm dhe më i përpunuar i Salvador Dalisë. Më 1950 qeveria italiane e komisionoi Salvador Dalinë, që të ilustronte Danten e famshëm dhe Komedinë e tij hyjnore. Sigurisht, rrugës kuptuan që ai ishte pak skandaloz dhe pak mbase jo i përshtatshëm për atë moment të kishës në Itali, kështu që vendosën të mos e nxirrnin këtë publikim zyrtarisht.”, - shprehet Ajola Xoxa.
Dali, i cili tashmë ishte dashuruar me veprën e Dantes, nuk u ndal dhe shkoi në një shtet tashmë më liberal, në Francë dhe i publikoi këto punë, 14 vite më vonë.
Ekspozita është ndarë në tre grupime sikurse dhe “Komedia hyjnore”: ferri dhe purgatori në katin e parë të galerisë dhe parajsa në katin e dytë. Të pranishëm gjatë çeljes së ekspozitës ishin edhe ambasadori italian dhe ai spanjoll, të cilët kanë dhënë ndihmën e tyre për realizimin e saj.
“Është një mbrëmje historike sepse sjellim për herë të parë në Tiranë një nga gjenitë më të mëdhenj të Spanjës, së bashku me një tjetër gjeni italian, Dante Alighieri.”, - thotë Alvaro Renedo Zalba, Ambasadori i Spanjës në Shqipëri.
Ndërsa ambasadori i Italisë në Shqipëri, Fabrizio Bucci e cilëson një mbrëmje të veçantë, që dëshmon fuqinë përbashkuese të artit.
“Është një mbëmje vërtet e veçantë sepse dëshmon sesi arti bashkon dhe krijon pika. Në këtë rast midis Italisë, Spanjës përmes këtyre artistëve të mëdhenj, por dhe Shqipërisë. Mos harrojmë që shkrimari më i madh që Shqipëria ka pasur, si dhe një ndër shkrimtarët më të mëdhenj të botës është Ismail Kadare e që ka shkruar një libër dedikuar pikërisht Dantes.”, - vëren Bucci.
Bashkë me ekspozitën është realizuar edhe një dokumentar i detajuar, ndërkohë që në galeri ka edhe një dhomë kushtuar veçanërisht të rinjve dhe fëmijëve.
Ekspozita do të qëndrojë e hapur për publikun çdo ditë deri më 12 shkurt 2025.
Lajme të tjera
-
Berisha tha se Ajola Xoxës iu gjetën 230 mijë euro te Qendra 'Harabel', reagon Veliaj: Hienë e xhindosur! Fundërrina e fundërrinave të kombit
10 Dhjetor, 09:29 -
Kreshnik Spahiu: Pastroni politikën duke sekuestruar 10 telefonat e oligarkëve dhe jo 10 grave apo vjehrrave…
9 Dhjetor, 16:22
-
SPAK i sekuestroi telefonin bashkëshortes, Veliaj: Hetimi pasuror i mirëpritur! S'bëj pjesë te kasta e vjetër politike që sulmon drejtësinë me çdo mjet
6 Dhjetor, 20:40 -
SPAK sekuestron telefonin e bashkëshortes së kryetarit të Bashkisë Tiranë Erion Veliaj! Kontrolle tek galeria 'Harabel', por jo tek banesa
6 Dhjetor, 11:22 -
Arkitektura emblematike e Spanjës përmes fotografive! Arkitekti Santonja “sjell” në Tiranë Spanjën bashkëkohore
2 Nëntor, 13:56
-
Kryepolici Proda pret ambasadorin Fabrizio Bucci: Bashkëpunim i ngushtë me autoritetet italiane për të luftuar krimin
29 Tetor, 16:24 -
Ruheshin në një garazh në Londër, zbulohen litografitë e firmosura të Salvador Dali
29 Gusht, 15:23 -
Ministri i Brendshëm pret ambasadorin italian, Bucci dhe Hoxha theksojnë vijimsinë e bashkëpunimit në luftën kundër krimit
9 Gusht, 13:18 -
Spiropali takim me ambasadorin Bucci: Italia ka qenë dhe mbetet avokate e Shqipërisë për anëtarësimin në BE
7 Gusht, 14:10 -
Kryeparlamentarja Nikolla takohet me senatorin italian Casini: Bashkëpunimi dypalësh u shërben qytetarëve të të dy vendeve
18 Maj, 12:50 -
Efektivi Edmond Rizaj nderohet me Medaljen e Kalorësit të Yllit të Italisë: Me fat që drejtova operacionin për arrestimin e bosit të mafies pulieze Giuseppe Muolo, fshihej në Shqipëri
10 Maj, 19:51 -
‘Dashuritë e presidentit’ te ‘Eksperimentali’! Western Balkan Youth Orchestra tek ‘Artet’! Performancë e frymëzuar nga ‘Një mijë e një net’ në Vlorë!
9 Maj, 11:40
