20 autorë të profesioneve të ndryshme, si fotografë profesionist dhe amatorë, arkitektë, urbanistë dhe artistë janë bërë bashkë për të realizuar ekspozitën fotografike online, të realizuar nga Tati space “Qyteti im”.
“Qyteti im¨ përmes fotografive vjen në dimensione të ndryshme, ku ndërtesat moderne herë janë në harmoni me tradicionalen, herë kur harmonia e dëshiruar nuk ekziston në peizazhin urban shqiptar. Në fotot e urbanistëve vendas, ku shohim edhe se si e reja “bërtet, dhunon, përçmon”, si përmes fotove “2000 vjet shtresëzim urban”, “Kërcënim dhe konkurrencë” të realizuar në Durrës nga urbanistja Loreta Çapeli. Të tjera vijnë nën emërtimin “Rrethimi”, “Përtej reve” apo “Qyteti magjik”.
Nuk mungojnë as fotografitë që janë realizuar gjatë periudhës së karantinës për shkak të pandemisë Covid19.
Të tjerë arkitektë apo artistët shqiptarë që jetojnë jashtë vendit, sjellin qytetet ku jetojnë.
Ndërsa, vendet e largëta medituese edhe melankolike vijnë përmes fotografive të profesionistëve, si “Buzëmbrëmje mbi qytet” nga Albert Cmeta, duke i lënë shteg kujtdo, që të gjejë qytetin e tij.
Lajme të tjera
-
Tirana 100 vjet kryeqytet/Arkitekti boton skicat e vilave të viteve 1920-‘59
5 Gusht 2020, 15:13
