Ekstradohet drejt Shqipërisë Arbër Çekaj i 613 kg kokainë, nga Gjermania në burgun '313' (VIDEO)

TIRANË - Është ekstraduar më në fund në Shqipëri, Arbër Çekaj, pronari i kompanisë "Arbi Garden" në kontenierët e së cilës bashkë me babanet u zbuluan nga policia 613 kilogramë kokainë, sasia më e madhe e kapur e kësaj lënde narkotike. Lajmin për ekstradimin e tij nga Gjermania, e dha Zv/Drejtoresha e Policisë së Shtetit, Aida Hajnaj, sot në një deklaratë për mediat. Arber Çekaj u arratis në Gjermani pas zbulimit në Portin e Durrësit të kokainës së ardhur nga Kolumbia në mars të vitit 2018, dhe kërkoi atje azil politik me argumentin se në Shqipëri i rrezikohet jeta. Shkalla e parë e gjykatës gjermane vendosi për ekstradimin e Çekajt në Shqipëri, por më tej pronari i "Arbi Garden" kërkoi apelimin e vendimit. Së fundi, Shqiptarja.com mëson se Çekaj është tërhequr nga Apeli, çka solli edhe ekstradimin e tij në Shqipëri. Arbër Çekaj mbërriti sot në aeroportin "Nënë Tereza" në Rinas dhe më tej u shoqërua me forca të policisë për në ambientet e burgut 313 në Tiranë. Çekaj do të njihet me masën e sigurisë arrest me burg dhënë në mungesë ndaj tij, ndërsa pritet që të kërkojë ndryshimin e saj për tu hetuar në liri. 

Në Shqipëri, Arbër Çekaj akuzohet nga Prokuroria për Krime të Rënda për trafik të lëndëve narkotike.

Në pranga është menaxheri Donald Lushaj dhe Armando Pezaku, shoferi i kamionit që transportoi kontenierët me banane dhe kokainë drejt magazinave të Arbri Garden në Maminas ku u zhvillua dhe operacioni i arrestimeve nga policia që zbuloi kokainën me vlerë 180 milionë euro. Arbër Çekaj u arratis në Gjermani duke i shpëtuar autoriteteve shqiptare dhe u arrestua pak kohë më pas.

VIDEO/ Deklarata e plotë e policisë

VIDEO e Marsit 2018 në Maminas ku u sekuestruan 613 kg kokainë në kontenier

Rendit zhvillimet sipas orarit:
Ora 15:55
Policia shpërndan videon e ekstradimit nga Gjermania të Arbër Çekajt

Policia e Shtetit ka sjellë një video të momentit kur Arbër Cekaj mbërrin në aeroportin "Nënë Tereza" në Rinas, i shoqëruar nga forcat policore.

Ekstradimi i tij drejt vendit tonë u bë si rezultat i bashkëpunimit të Interpol Tiranës me Interpol wiesbaden, Gjermani.

Çekaj ishte shpallur nga Gjykata e Shkallës së Parë për Krimet e Rënda, Tiranë, më datë 08.03.2018, e cila ka lëshuar urdhër arresti për këtë shtetas për veprën penale “Trafikimi i narkotikeve” kryer në bashkëpunim. Në muajin shkurt 2018 në bashkëpunim me shtetas të tjerë dyshohet të ketë trafikuar një sasi të madhe lëndë narkotike, kokainë, nga Kolumbia drejt Shqipërisë.

1568901390_arbercekaj.jpg

Ora 14:01
Nga Gjermania në Tiranë, momenti kur Arbër Çekaj mbërrin te Burgu 313 (VIDEO)
B.K./G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eri: 19/09/2019 16:13

    Denojeni malokun E qelbur....

    Përgjigju
  • Sondazhi i ditës:

    Finalja mes Spanjës dhe Anglisë, sipas jush kush e fiton Euro 2024?



×

Lajmi i fundit

LAJM I FUNDIT/ Qëllohet ndaj Donald Trump, plagoset në njërin vesh gjatë mitingut. Vritet atentatori!

LAJM I FUNDIT/ Qëllohet ndaj Donald Trump, plagoset në njërin vesh gjatë mitingut. Vritet atentatori!