POP 5

Lajmet më të lexuara të 5 minutave të fundit

Kronikë

Ekzekutimi i Alket Muhos, avokati: Vrasja ishte për drogë! Etem dhe Dino Muhaj padrejtësisht nën akuzë

Një ndër vrasjet që ngjalli mjaft reagime në 2018-ën është ajo e Alket Muhos në Memaliaj. Asokohe PD-ja deklaroi se Muhaj ishte informator i policisë dhe u vra nga trafikantët e kanabisit. Kësaj teze i qëndron akoma sot avokati i cili thotë se në bankën e të akuzuarve janë personat e gabuar.

Babë e bir, Etem dhe Dino Muhaj janë prej dy vitesh në paraburgim për vrasjen e Alket Muhos në fshatin Rabije të Memaliaj.

Në seancën e fundit gjyqësore janë marrë në pyetje dëshmitarët, të cilët kanë mohuar të kenë dijeni për ngjarjen.

Nga ana tjetër, avokati Tahir Novi pretendon se po mbahen padrejtësisht pas hekurave, pasi prokuroria nuk ka prova për fajësimin e tyre.

"Prokurori ka paraqitur një kërkesë për gjykim me prova indirekte sikurse e shkruan ai vetë në kërkesën ankimore. Nuk ka asnjë provë direkte në faktin se janë të pandehurit ata që kanë kryer veprën penale për të cilën akuzohen. Janë pyetur një numër jo i vogël dëshmitarësh por asnjë prej tyre nuk thotë se ka qenë i pranishëm dhe ka parë asgjë në lidhje me kryerjen e vrasjes" - tha avokati Tahir Novi.

Bashkëshortja e Muhajt, ka deklaruar se është vrarë nga trafikantët e drogës dhe jo nga kushërinjtë.

"Një pjesë e dëshmitarëve janë të gjithë të akuzuar dhe kanë vuajtur dënim për kultivim të bimëve narkotike. Gruaja e të ndjerit në hetim është shprehur  se burri i saj është vrarë nga personat që kultivonin lëndë narkotike. Është larguar nga Shqipëria në Francë dhe nuk është paraqitur në gjykimin e çështjes" - tha së fundmi avokati.

Gjyqi ndaj Etem dhe Dino Muhajt zhvillohet prej një viti në Gjykatën e Faktit në Gjirokastër me gjyqtar Pëllumb Vehbi dhe prokuror Julian Cafka. Ndër dyshimet kryesore të organit të akuzës është se Alket Muhaj është vrarë për shkak të konflikteve të përsëritura me motive pronësie.

Mirëpo mbrojtja pretendon se Etem dhe Dino Muhajt nuk kanë lidhje me vrasjen pasi nuk kanë qenë në fshat më 8 Shtator 2018, kur u gjet i pajetë 43-vjeçari. Seanca e radhës për këtë çështje u caktua më 18 janar 2021.

1608903775_alketmuho.jpg

Alket Muho

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03