POP 5

Lajmet më të lexuara të 5 minutave të fundit

Kronikë

Vrasja e vëllezërve Haxhia në Durrës, Apeli i GJKKO dënon me 25 vite burg Klevis Allën! Humbi statusin e bashkëpunëtorit se dha dëshmi të rreme

Apeli ka prishur pjesërisht vendimin e Shkallës së Parë për Klevis Allën, duke ia pushuar çështjen lidhur me akuzën për veprën penale të sigurimit të kushteve për të kryer vrasje, si për veprën penale të bashkëpunimit në grup kriminal, por dënimi ndaj tij mbetet i njëjtë. Alla e humbi statusin e bashkëpunëtorit të drejtësisë, pasi ka dhënë deklarata të rreme lidhur me ngjarjet kriminale të përfshira në dosjen ‘Plumbi i Artë’.

Klevis Alla

Gjykata e Posaçme e Apelit ka dënuar me 25 vite burg Klevis Allën, me 6 vite burg Besian Xhixhën dhe 5 vite burg Enver Divën për vrasjen e vëllezërve Viktor e Besmir Haxhia, ngjarje e ndodhur në Durrës në Mars të 2020, si dhe për vrasjen e Dorjan Shkozës dhe Anxhelo Avdiajt.

Apeli ka prishur pjesërisht vendimin e Shkallës së Parë për Klevis Allën, që ka qenë edhe bashkëpunëtor i drejtësisë, duke ia pushuar çështjen lidhur me akuzën për veprën penale të sigurimit të kushteve për të kryer vrasje, si për veprën penale të bashkëpunimit në grup kriminal, por dënimi ndaj tij mbetet i njëjtë.

Ai u dyshua fillimisht se siguroi informacione për vendodhjen e vëllezërve Haxjia, por rezultoi se mori pjesë drejtepërdrejt në vrasje, bashkë me Nuredin Dumabu, Henrik Hoxhën që dyshohen si ekzekutor si dhe shtetasit Vesian Xhixho e Enver Diva.

Alla e humbi statusin e bashkëpunëtorit të drejtësisë, pasi ka dhënë deklarata të rreme lidhur me ngjarjet kriminale të përfshira në dosjen ‘Plumbi i Artë’. Ai do të deklaronte se autor në vrasjen e dy vëllezërve Haxhiaj dhe shokëve Dorian Shkoza e Anxhelo Avdia, ishte pikërisht Talo Çela dhe Altin Ndoci, duke devijuar kështu sipas SPAK të vërtetën e ngjarjes.

Prokuroria mori në konsiseratë thëniet e Nuredin Dumanit dhe kështu GJKKO pushoi akuzat ndaj Altin Ndocit duke e shpallur të pafajshëm. Lidhur me këto dy vrasje më herët janë pushuar akuzat edhe për Talo Çelën, teksa vijojnë të kenë pronleme me drejtësinë për ngjarje të tjera kriminale.

S.G/G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Andi: 14/11/2024 11:14

    Killera qe denohen nga 6 vjet.e habitshme...

    Përgjigju
  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Bota e modës në zi! Shuhet në moshën 93-vjeçare stilistja italiane, Rosita Missoni

Bota e modës në zi! Shuhet në moshën 93-vjeçare stilistja italiane, Rosita Missoni

2 Janar, 21:59