ELBASAN - Në prag të nisjes së zezonit shkollor, 10 shkolla të qytetit të Elbasanit rrezikojnë të mos hapen. Shkak për këtë është bërë mosplotësimi i kushteve higjenosanitare. Gjatë këtyre ditëve është bërë një inspektim i hollësishëm në të gjitha shkollat e rrethit të Elbasanit dhe situata paraqitet alarmante.

Sipas Drejtorit të Shëndetit Publik në rrethin e Elbasanit, Bujar Kllogjeri, problem kryesor është gjendja sanitare e këtyre shkollave.

Sipas Kllogjerit, në rast se situata në këto shkolla nuk do të përmirësohet ato nuk do të çelen për këtë sezon shkollor duke lënë pa mësim mijëra nxënës.

(Gre.M/Shqiptarja.com)