Elbasan, 15-vjeçari godet 2 herë
me thikë nënën e tij

ELBASAN- Një ngjarje e rëndë ka ndodhur ditën e sotme në qytetin e Elbasanit. Ka mjaftuar në zënkë brenda familjes, që djali 15-vjeçar të plagosë me thikë nënën e tij në banesën e tyre në lagjen “11 Nëntori” të qytetit, pas një konflikti, shkaqet e të cilit nuk bëhen ende të ditura.
 
Gruaja 40-vjeçare ka marrë 2 goditje me thikë nga i biri, një në shpatull dhe një në bark.
 
E plagosura Vjollca Kumria është dërguar menjëherë në spialin e qytetit të Elbasanit, për të marrë ndihmën e nevojshme mjekësore, ndërsa mësohet se ndodhet jashtë rrezikut për jetën.
 
Menjëherë në vendin e ngjarjes kanë mbërritur forcat e policisë dhe po punohet për zbardhjen rrethanave të ngjarjes. Ndërkaq, policia ka arrestuar 15-vjeçarin Daniel Kumria.

NJE TJETËR PLAGOSJE NË ELBASAN, I RIU GODET TË DASHURËN ME MJETE TË FORTA
Një tjetër plagosje ka ndodhur në fshatin Gjergjan në Elbasan. Agim Duri është arrestuar nga forcat e policisë, pasi ka goditur me mjete të forta të dashurën e tij me iniciale S.Q.
 
E reja është dërguar menjëherë në spitalin e Elbasanit, ndërsa policia po punon për zbardhjen e plotë të ngjarjes.
 
Redaksia Online
(e.s/shqiptarja.com)