ELBASAN- Jetlira Elezi, 37-vjeçe mbeti e vdekur në vend pasi u godit me thikë nga bashkëshorti i saj 37-vjeçari Ramis Mici. Ngjarja e rëndë ndodhi në orët e para të mëngjesit të ditës së sotme (30 korrik), në Elbasan në një banesë që çifti kishte marrë me qira në lagjen ‘Skëndërbej’. Pronarët e banesës ishin të parët që gjetën gruan e pajetë në mes të dhomës. Sipas pronarit Xhafer Zdrava, dhoma e gjumit ishte e mbushur me gjak, ndërsa 37-vjeçarja ishte gjetur e vdekur në afërsi të dhomës së ndenjës.
Vrasja dyshohet se ka ndodhur për shkaqe xhelozie, ndërsa 37-vjeçari e kishte dhunuar të ndjerën para disa ditësh dhe i kishte thyer telefonin. Jetlira kishte gjetur mënyrën për të telefonuar policinë për shkak të dhunës dhe Ramis Mici ishte shoqëruar nga efektivët e Elbasanit, por më pas ishte lënë i lirë. Burime nga prokuroria e Elbasanit thanë për gazetarin e Report Tv Ronaldo Gjoshi, se e 37-vjeçarja kishte kërkuar urdhër-mbrojtje dhe e kishte marrë atë. Në një reagim, policia sqaroi se i ishte kërkuar që të bënte kallëzim, por Elezi kishte kërkuar vetëm urdhrin e mbrojtjes pasi donte të qëndronte larg tij. Kur janë larguar nga komisariati, kanë qëndruar në apartamente të ndara.
Të dy vinin nga martesa të cilat kishin përfunduar në divorc dhe kishin nga dy fëmijë nga lidhjet e mëparshme. Jetlira mbante një nga fëmijët e saj, vajzën, ndërsa fëmijët e Ramisit mbahen nga ish e shoqja. Së fundmi 37-vjeçarja e kishte dërguar të bijën tek ish-bashkëshorti, ndoshta për faktin se ishin ndjerë të kërcënuara nga bashkëjetuesi i saj. Mësohet se të dy punonin, burri merrej me gipse ndërsa gruaja punonte në një Fast Food. Autori ishte nga fshati Selitë në Mollas, ndërsa viktima nga një fshat i Belshit.
Policia ndërkohë është vënë në ndjekje të autorit, ndërsa po vijon krehja e zonës për kapjen e tij.
Një ngjarje e rëndë ka tronditur qytetin e Elbasanit këtë mëngjes pasi 37-vjeçari Ramis Mici goditi me thikë duke i shkaktuar vdekjen bashkëjetueses së tij Jetlira Elezi. Konflikti mes tyre kishte nisur prej kohësh. Policia e Elbasanit ka dhënë një sqarim lidhur me sherrin për motive xhelozie që i coi në komisariat rreth orës 21:30 më 26 korrik. Mici u shoqërua në polici sepse kishte thyer telefonin e bashkëshortes për motive xhelozie. Menjëherë u njoftua Zyra e Forumit të Dhunës ndaj Gruas ku si përfaqësues u paraqit avokati i identifikuar me inicialet E.Gj. Ndonëse Elezit iu kërkua të bënte kallëzim për dhunë në familje, kërkoi vetëm urdhër mbrojtje në mënyrë që të mos kishin kontakte me njeri-tjetrin.
Në prezencë të avokatit është plotësuar formulari i vlerësimit të riskut si dhe kërkesë padia për urdhërin e mbrojtjes më datë 26.07.2022 dhe është dërguar në Gjykatën e Shkallës së Parë Elbasan. Gjatë kohës që të dy kanë qenë në ambientet e Komisariatit të Policisë kanë qenë të qetë dhe kanë komunikuar me njeri-tjetërin. Ramis Micit, gjatë intervistës iu shpjegua përgjegjësia ligjore dhe pas 10 orë si person i shoqëruar në Komisariat është lënë i lirë.
Të dy kanë qëndruar në apartamente të ndara nga momenti i konfliktit. Gjithashtu Jetlira Elezi është orientuar që të paraqitet tek Forumi i Gruas në Elbasan, si dhe është kontaktuar në datë 27.07.2022 me forumin e gruas e cila na deklaroi se ishte paraqitur dhe ishte e qetë psikologjikisht dhe nuk ka shfaqur shqetësime për situatën e krijuar. Nga ana e Ndihmës Specialistit të Policimit në Komunitet është marrë kontakt më datë 29.07.2022 në orën 12:30 me Elezin, e cila ka qenë e qetë dhe i ka shprehur se nuk ka patur probleme që prej ditës që ishte paraqitur në Komisariat.
Po më datë 29.07.2022 është marrë kontakt dhe me Micin, i cili po ashtu ka qenë i qetë në lidhje me situatën. Të dyja palët janë njoftuar nga ana jonë për seancën gjyqësore për tu paraqitur në lidhje me kërkesë padinë si dhe kanë nënshkruar të dyja palët. Pas vrasjes, shërbimet e Policisë janë vënë në ndjekje të Ramis Micit dhe vijon krehja e zonës për kapjen e tij. Grupi hetimor nën drejtimin e Prokurorisë po punon për zbardhjen dhe sqarimin e plotë të rrethanave të ngjarjes.
Personat që shihni në këtë foto janë Jetlira Elezi dhe Ramis Mici. Jetlira u vra pikërisht nga bashkëjetuesi i saj Ramisi gjatë natës në lagjen “Skënderbej” në Elbasan.
Burime zyrtare për Report Tv nga prokuroria sqarojnë se 37-vjeçarja Jetlira Elezi, nuk ishte pajisur me urdhër mbrojtjeje, ndërsa kishte bërë vetëm një kërkesë. Mësohet se të dy punonin, burri merrej me gipse, ndërsa gruaja punonte në një Fast-Food. Vrasja dyshohet se ka ndodhur për arsye xhelozie. Autori ishte nga fshati Selitë në Mollas, ndërsa viktima nga një fshat i Belshit.
Jetlira e Elezi mbeti e vdekur ditën e sotme pasi u qëllua për vdekje me thikë nga Ramis Mici, bashkëshorti i saj.
Çifti i pronarëve të cilët u kishin dhënë me qira banesën Ramis Micit dhe Jetlira Elezit, thanë se ato nuk kishin dëgjuar për zënkën mes tyre. Por vetëm në momentin kur 37-vjeçari ishte larguar pas krimit duke përplasur fort derën. Ato thanë se u zgjuan të trembur dhe se më pas kishin parë që dera ishte hapur dhe kur ishin futur në banesë kishin parë gruan të vdekur në mes të dhomës.
‘Nuk flisja shumë më të. Ajo ishte nga Selita, kurse ai nga Belshi. Vetëm para 5 ditëve. Nuk di gjë. Sa kanë ardhur tek unë nuk dimë gjë. Kishte urdhër-mbrojtje që para 4-5 ditësh që kur kishte një debat më para. Më para nuk kam dëgjuar debat mes tyre. Ato nuk kishin mbushur 2 muaj këtu, unë isha në gjumë u tremba. Përplasi derën ai. Atëherë u zgjuam ne u trembëm- u shpreh Leme Zdrava.
‘Ne ishim në gjumë, por u përplas dera dhe u zgjuam. Kur dolëm pamë që ishte dera e hapur dhe drita ndezur. Ajo ka pasur urdhër-mbrojte. Gocën që kishte nga martesa e parë e kishte dërguar tek shtëpia e ish-bashkëshortit të aj këto ditët e fundit.’- u shpreh pronari i banesës Xhafer Zdrava.
Pronari i banesës që u kishte dhënë shtëpinë me qira çiftit Ramis Micit dhe Jetlira Elezit në një interviste për Report Tv ka treguar se ngjarja ka ndodhur në orën 1 pas mesnate dhe ka gjetur viktimën të mbuluar me gjak. Ai ka treguar se disa ditë më parë policia kishte qenë në banesën e tyre, pasi 37-vjeçari kishte dhunuar Jetlira Elezin. Kjo e fundit i kishte treguar bashkëshortes së tij se ka urdhër mbrojtje. Të dy kishin qenë të divorcuar dhe më nga dy fëmijë, ndërsa së fundmi kishin lidhur martesë së bashku.
‘Ishte ora 1 pa 10 u hap dera dhe e pamë që ai doli rrugës me hapa të ngadaltë. Me thotë gruaja që dera ishte hapur. Ajo ishte e vdekur në mes të dhomës kishte gjak në gjithë dhomën. Mora policinë në telefon, erdhi policia bëri punën e vet. Se për çfarë u zunë nuk e dimë. Erdhi edhe më parë policia para 3-4 ditwsh, se ajo ishte ankuar se ai e kishte rrahur. Mori të shoqin i vuri hekurat.
Ajo i kishte thënë gruas se kam urdhër mbrojtje, a kishte ajo ne nuk dimë gjë?! Ai ka bërë debate! Prej dy muajsh jetonin këtu. Ajo ka qenë e divorcuar me burrin e parë dhe ka dy fëmijë. Edhe ky i divorcuar me dy fëmijë, fëmijët ja ka mbajtur e shoqja. Kanë bërë edhe celebrim. Ramizi përditë shkonte në punë edhe ajo punonte.’- tha për Report Tv, Xhafer Zdrava.
37-vjeçari që shihni në foto është Ramis Mici, i cili goditi disa herë me thikë bashkëjetuesen e tij. 37-vjeçarja Jetlira Elezi ndërroi jetë në spital si pasojë e plagëve të marra nga goditjet me thikë. Policia sakaq është vënë në ndjekje të tij.
Zbardhet identiteti i plotë i 37-vjeçares që humbi jetën pasi u godit për vdekje me thikë nga bashkëjetuesi i saj. Report Tv mësohet se bëhet fjalë për Jetlira Elezin, e cila u godit për vdekje nga bashkëjetuesi i saj Ramis Mici.
Komente
Lajme të tjera
-
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Elbasan/ Aksidentoi për vdekje me makinë një këmbësor të moshuar, arrestohet 23 vjeçari
26 Dhjetor, 09:54 -
Krimi në familje në Sarandë, e arrestuara shtang hetuesit: Tentova ta vrisja dhe më parë bashkëshortin, nuk kisha arsye!
25 Dhjetor, 15:53
-
Trafik i rënduar në aksin Tiranë-Elbasan, shqiptarët drejt Pogradecit e Korçës për festat e fundvitit
24 Dhjetor, 15:44 -
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
Sarandë/ Konflikt në familje, gruaja vret burrin në fshatin Metoq (EMRAT)
24 Dhjetor, 08:47 -
VIDEO/ Reshjet e dëborës zbardhin Elbasanin dhe Voskopojën! Pamje spektakolare nga Parku Kombëtar i Qafë-Shtamës
23 Dhjetor, 17:55 -
Aksident në aksin ‘Librazhd-Prrenjas’, makina përplaset me kamionin, humb jetën shoferi i mjetit
21 Dhjetor, 08:50 -
Dy aksidente me vdekje në Durrës e Librazhd, dy të rinjtë humbin jetën pas përplasjeve me kamionët (VIDEO)
21 Dhjetor, 07:09 -
Aksident në aksin Tiranë-Elbasan/ 2 makina përplasen me njëra tjetrën
20 Dhjetor, 14:17 -
Trafikonin kanabis me postë nga SHBA e Tajlanda në Shqipëri, kamuflohej mes makaronave aziatike! 3 të arrestuar, 3 në kërkim (EMRAT+VIDEO)
19 Dhjetor, 11:44
-
Aksident në aksin Librazhd-Prrenjas/ Makinat përplasen me njëra-tjetrën, njëra përfundon e kthyer përmbys
18 Dhjetor, 14:31
policia e leshit me urdhra ndalimi ....a zbatohet a nuk zbatohet smerret njeri ....dhe pastaj ndodhin keto ngjarje .....ai shtet bananesh prej 32 vjetesh ......nuk behet
PërgjigjuUe ça SHREKU.ky e ka vendin brenda ne qeli ndyeresira.
PërgjigjuShqipet keshtu e kan he sot he neser do vij dita kur do e bejne nje budallek
PërgjigjuKujdes me ke rrini e bashkjetoni duket ne fytyre ky ca mostre esht . Dallohen njerzit mos merrni ne qaf veten
Përgjigju