POP 5

Lajmet më të lexuara të 5 minutave të fundit

Kronikë

Elbasan, arratisja e 38-vjeçares
detyrim paraqitje për 2 policët

Gjykata e Elbasanit “Detyrim paraqitje” për dy efektivët e policisë, Neki Xhika dhe Gëzim Ago që ishin në ruajtje të shtetases Ermira Beqiraj, e cila kryente dënimin “arrest shtëpie” dhe është arratisur më 5 janar. U kap me 28 kg drogë më 7 shtator 2012
ELBASAN - “Detyrim paraqitje” është masa e sigurisë që Gjykata e Elbasanit ka dhënë për dy policët e ndaluar tre ditë më parë për shpërdorim detyre. Dy efektivët e policisë, Neki Xhika dhe Gëzim Ago ishin në ruajtje të shtetases Ermira Beqiraj, e cila kryente dënimin “arrest shtëpie” dhe është arratisur më 5 janar të këtij viti.

38-vjeçarja akuzohet për veprën penale “trafik ndërkombëtar të lëndëve narkotike”, pasi u arrestua më 7 shtator me 28 kilogramë lëndë narkotike e llojit marijuanë.

Prokurori i çështjes, Alfred Shehu kërkoi masën e sigurisë arrest me burg për dy efektivët e policisë Neki Xhika dhe Gëzim Ago, ndërsa trupi gjykues i kryesuar nga gjyqtari, Bujar Musta la në fuqi kërkesën e mbrojtjes për detyrim paraqitje.

Sipas avokatit mbrojtës, Altin Ago, dy efektivët e policisë nuk i përkisnin rajonit të policisë së Elbasanit por atij të Cërrikut, prandaj nuk duhet të ishin caktuar të ruanin shtetasen Ermira Beqiraj. Pikërisht për këtë fakt efektivët Neki Xhika dhe Gëzim Ago kanë përfituar rrethana lehtësuese, nga arrest me burg në detyrim paraqitje.

ARRESTIMI NE SHTATOR I TRAFIKANTES SE DROGES
38-vjeçarja Beqiraj u arrestua në pikën e kalimit kufitar në Kakavijë së bashku me djalin e saj 16-vjeçar në 7 shtator të vitit 2012, teksa transportonte në mjetin e saj 28 kg lëndë narkotike të llojit marijuanë. Pas kontrollit të ushtruar nga policia kufitare u zbuluan në brendësi të 4 dyerve të makinës 173 pako me marijuanë.

Policia kufitare e Kakavijës sekuestroi sasinë e lëndës narkotike, ndërsa ndaloi drejtuesen dhe djalin e saj. I mituri u la në gjendje të lirë, kurse 38-vjeçarja u hetua me akuzën e "trafikut ndërkombëtar të lëndëve narkotike".

Gjykata e Shkallës së Parë në Elbasan vendosi ndaj saj masën e sigurisë "arrest me burg" ndërkohë pas apelit, 38-vjeçarja u la në "arrest shtëpie" mase e cila u thye me arratisjen e saj pasditen e 5 janarit të këtij viti.

Mësohet se Ermira Beqiraj ishte e divorcuar dhe bashkëjeton me një shtetas grek në Volos të Greqisë, së bashku me dy fëmijët e saj.

Redaksia online
(eç/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50