ELBASAN- Një biznesmen i njohur në Elbasan është arrestuar nga Policia mbrëmjen e djeshme. Bëhet fjalë për 51-vjeçarin Edmond Stafaj, i cili është në kërkim ndërkombëtar për trafik ndërkombëtar droge.
 
Stafaj është dënuar me 10 vite burg në Itali, për trafikim lëndësh narkotike. Policia e Shtetit thotë se 51-vjeçari është dënuar me vendim të formës së prerë nga Gjykata e Bergamos në Itali.
 
Në vendim thuhet se Edmond Stafaj ka kryer trafikimin e lëndëve narkotike në Itali. Pavarësisht  se ishte në kërkim ndërkombëtar, prej disa vitesh Stafa kishte arritur t’i shmangej arrestimit duke u fshehur. Por një operacioni i Policisë së Shtetit ka bërë të mundur arrestimin e tij në Bar-restorant Skampini, biznes që është në pronësi të Edmond Stafës, siç mund të dallohet edhe nga këto faksimile.

ekstrakti per edmond stafa qkr
 
Burime nga policia bëjnë me dije se 51-vjeçari ishte në një tavolinë me disa miq, kur është vënë në pranga nga Policia.
 
Biznesmeni, vëllai i ish-deputetit të PS
Edmond Stafaj është një emër i njohur në Elbasan, jo vetëm për shkak të bizneseve. Ai është vëllai i Bukurosh Stafës, ish - deputetit të Partisë Socialiste.
 
Prej disa vitesh Edmond Stafaj kishte arritur t’i shmangej arrestimit, ndërkohë që mbrëmjen e djeshme në lokalin e tij Bar-Restorant Skampini në Kalanë së Elbasanit, ai është arrestuar.
 
Edmond Stafaj është vëllai i ish-deputetit të Partisë Socialiste Bukurosh Stafaj, i cili sot kryetar i qarkut të Elbasanit.

restorant skampini
(Restoranti në pronësi të biznesmenit të arrestuar)
 
Redaksia Online
B.B/Shqiptarja.com