Elbasan, Balla: Në 2009, Basha nxori nga burgu të inkriminuarit, i përdori për të kërcënuar socialistët

ELBASAN - Në një takim të zhvilluar me gratë në qytetin e Elbasanit për t'i thënë stop pikave të basteve, që shkatërrojnë familjet dhe shoqërinë, kryetari i grupit parlamentar të Partisë Socialiste, Taulant Balla tha se historia e llotove mori fund dhe prej 1 janarit nuk do të kenë më asnjë mundësi që pranë dyqanit të bukës të jetë edhe dyqani i basteve. Sipas Ballës, Elbasani e di fare mirë sesi bashkëpunoi Lulzim Basha me persona me të shkuar kriminale në zgjedhjet parlamentare të 2009, madje sipas tij i nxori dhe nga burgu për t'i përdorur për intimidimin e socialistëve dhe qytetarëve të Elbasanit. 

Pjesa më e madhe e këtyre kompanive, sikurse e tha dhe Kryeministri në Kuvend ishin persona të dënuar për vepra të ndryshme kriminale. Ja ku ndahen ata që seriozisht e kanë betejën me krimin dhe ata që krimin e kanë thjeshtë dhe vetëm një alibi për si kanë bashkëpunuar ata me krimin. Nuk është larg 2009 dhe Elbasani e di fare mirë se si bashkëpunoi Lulzim Basha me persona me të shkuar kriminale, madje i nxori dhe nga burgu për t'i përdorur për intimidimin e socialistëve dhe qytetraëve të Elbasanit. Kjo është e vërteta e madhe. Sot PD nëse realisht e do familjen shqiptare dhe të mirën këtij vendi duhet të ishte e praishme në Kuvendin e Shqipërisë e të jepte votën pro mbylljes së basteve dhe të lojrave të fatit në këtë vend. Ne e dimë që PD-ja nuk ka as lideship, as ekip dhe as program. Ne jemi sot këtu për të ndarë me ju këtë lajm të mirë.

Taulant Balla, kryetar i grupit parlamentar të PS

Gjatë bashkëbisedimit, një grua i ndërpreu fjalën Ballës, duke thënë: "Shyqyr që na kthyet burrat dhe djemtë në shtëpi"!, ndërsa socialisti se 92% e grave mbështesin nismën e qeverisë për mbylljen e pikave të basteve.

"92 për qind e grave e kanë mbështetur këtë vendim që kemi marrë sot. Vëmëndja jonë është tek familja dhe për ju. E kemi pasur këtë kërkesë prej një pjese të madhe të grave, nënave e motrave të Shqipërisë që duhet tijepnim fund kësaj mortjejeqë kishte 25 vjet që qarkullont dhe ishte biznesi më ii madh në këtë vend, që gjoja na paskësh prodhuar 7 mijë vende pune, por që në fakt na kishte shkatërruar vit pas viti me dhjetra e mijëra familje", tha Balla. 

TAG:
• Elbasan
• lulzim basha
• taulant balla