POP 5

Lajmet më të lexuara të 5 minutave të fundit

Politikë

Elbasan, Blushi prezanton Ulqinin:
23qershori ndan të mirën nga e keqja

Musa Ulqini (foto) nis fushatën elektorale në Elbasan. Blushi: "Në zgjedhjet e 23 Qershorit në qarkun e Elbasanit duhet të nxjerrim 8-9 deputetë". Ulqini: "Nuk do keqpërdorim pushtetin, por do ta vëmë në zhvillim të biznesit".
Elbasan, Blushi prezanton Ulqinin: <br />23qershori ndan të mirën nga e keqja
ELBASAN - I deleguari i Partisë Socialiste për qarkun e Elbasanit, Ben Blushi, prezantoi mbasditen e djeshme kandidatin më të ri të propozuar për zonën ë Dumresë, Musa Ulqini. Ben Blushi e cilësoi fushatën elektorale si shumë të rëndësishme për Partinë Socialiste sepse do të jetë kjo fushatë që do të vendosë “ose Shqipëria do të marrë për mirë ose do të shkojë në humnerë dhe kjo ndahet në datën 23 qershor!”.

Deputeti Blushi shtoi se “prioriteti i PS-së për qarkun e Elbasanit në zgjedhjet e 23 Qershorit është që të nxjerrë 8-9 deputetë dhe, që ky numër të arrihet, atëherë PS-ja duhet të fitojë bollshëm në zonën e Cerrikut dhe të Belshit, zonë që do ta mbulojë Musa Ulqini si deputet i parë”.

Në takimin e tij të parë elektoral për zonën e Cerrikut dhe të Belshit, Ulqini u shpreh i priviligjuar që në parlamentin e ardhshëm do të përfaqësojë një zonë historike për Partinë Socialiste, siç janë votuesit e Dumresë:  “Falenderoj kryetarin e Partisë Socialiste, Edi Rama, që më zgjodhi dhe më vendosi në skuadrën kombëtare”- tha ai.

Më tej Musa Ulqini shtoi se, “me ardhjen e së majtës në pushtet, asnjë qytetar nuk duhet të mendojë se do ta keqpërdorim pushtetin, por do ta vëmë në zhvillim të biznesit, duke e kthyer zonën e Dumresë si një zonë turistike dhe atraktive për turistët”.

Në fund të takimit elektoral, Ben Blushi e prezantoi Musa Ulqinin edhe tek tregtarët e vegjël të qytetit të Belshit duke i’u kërkuar që ta votojnë masivisht kandidatin e PS-së.

Redaksia online
(ar.sh/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Liverpool dhe Real Madrid ndeshen sot në Champions League, Slot: Janë ekip për t’u marrë shembull! Ancelotti: Përballen dy klube historike

Liverpool dhe Real Madrid ndeshen sot në Champions League, Slot: Janë ekip për t’u marrë shembull! Ancelotti: Përballen dy klube historike

27 Nëntor, 15:30