Rruga pranë liqenit të Gjinarit, fshat turistik i Elbasanit, ka pësuar dëmtime në infrastrukturën e saj. Siç duket nga fotoja, toka ka rrëshqitur dhe ka dëmtuar asfaltin e këtij segmenti rrugor, i cili rrezikon jetën e shumë banorëve, pasi në këtë aks lidhen disa fshatra të Gjinarit dhe çdo ditë kalojnë makina private dhe mjete të transportit.

Gjinari është emëruar si një nga fshatrat turistikë të Bashkisë Elbasan, por në të gjithë segmentin rrugor që të çon drejt Gjinarit ka probleme në infrastrukturë.

Së fundmi, Bashkia Elbasan ka bërë disa investime në qendër të fshatit turistik të Gjinarit.