Elbasan- Doda: Opozita duhet të kthehet në parlament

ELBASAN - Gjatë një forumi diskutimi me deputetë të mazhorancës dhe të opozitës të qarkut të Elbasanit, të nënkomisionit kuvendor për Çështjet e të Miturve, Barazinë Gjinore e Dhunën në Familje dhe të Aleancës së Grave Deputete, Mesila Doda, deputete e PD, i ka bërë thirrje opozitës që të bëhen pjesë e punimeve të Kuvendit. "Karriget bosh nuk flasin në emër të opozitës, ndaj shpresojmë që opozita të kthehet në Parlament. Kushtet e vendosura nga Partia Demokratike për t'iu kthyer aktivitetit të saj në punimet e Kuvendit do të plotësohen.  Në Parlament nuk ka nevojë për burra të dhunshëm. Besoj se do të plotësohen kushtet e opozitës, e cila i rikthen dinjitetin e munguar Parlamentit", tha Doda.
Deputetja Doda foli edhe per dhunen në familje, duke theksuar se "dhuna në familje ka marrë përmasa shqetësuese, prandaj janë bërë edhe disa ndryshime në Kodin Penal, të cilat parashikojnë dëmime të ashpra për dhunën. Fatkeqësisht disa gra vuajnë ende nga padrejtësisë e drejtësisë shqiptare", tha Doda.
Ne aktivitetin e organizuar nga OSBE kanë marrë pjesë edhe deputetet Evis Kushi, Olta Xhaçka, Klodjana Spahiu, Ardjan Turku dhe Bujar Kllogjeri. Në këtë aktivitet ishin te pranishem edhe përfaqesues të Policisë, te rinj, si dhe qytetarë të moshave te ndryshme. /ATSH/

TAG:
• OSBE