POP 5

Lajmet më të lexuara të 5 minutave të fundit

Kronikë

Elbasan, FNSH ndalon 2 pjesëtarë të fisit Çapja, sekuestrohen armë dhe minë me telekomandë

FNSH dhe policia kanë vijuar me kontrollet edhe këtë të shtunë në Elbasan, ku kanë arrestuar 2 persona nga fisi Çapja. Të prangosurve iu është sekuestruar dy armë të tipit pistoletë, fishekë dhe bombë me sahat. Mbiemri Çapja njihet në Elbasan për një sërë ngjarjesh kriminale të ndodhura në këtë qytet dhe atentati me granatë që iu bë ditën e djeshme Albert Alterziut ka qenë pikërisht arsyeja e vendosjes në lëvizje të strukturave të policisë.

Dy pjesëtarë të fisit Çapja janë ndaluar këtë të shtunë në lagjen "Emin Matraxhiu", Elbasan ndërsa 8 të tjerë janë shoqëruar për tu verifikuar. Dy të arrestuarit janë Enver Capja dhe Naim Gjarri. Report Tv raporton se ndalimi i tyre ka ardhur pas kontrolleve të ushtruara nga FNSH dhe policia vendore nëpër banesa. Anëtarëve të fisit Çapja iu janë sekuestruar përgjatë kontrollit dy armë të tipit pistoletë, fishekë dhe një minë me telekomandë.

Burime të Report Tv bënë me dije se operacioni u ndërmor pas atentatit me granatë që iu bë ditën e djeshme në lokalin e tij Albert Alterziut në Elbasan, pasi të dyshuarit për këtë sulm mendohet të jenë pikërisht pjesëtarë të familjes Çapja.

FNSH dhe policia pritet të arrestojë një tjetër grup kriminal, ndërkohë që, po mbahen të rrethuara disa banesa të tjera. Midis këtyre banesave përfshihet edhe një vilë e blinduar me persona brenda, të cilës policia nuk po i hap dot derën. 

Fisi Çapja është i njohur dhe i skeduar për një sërë ngjarjesh kriminale të ndodhura në Elbasan. Së fundmi, Report Tv siguroi një dokument ku vërtetohej se Prokuroria e Krimeve të Rënda po kalon në “sitë” pasuritë e Çapjave dhe disa personave të tjerë, pasi dyshohet se janë vendosur me trafik ndërkombëtar droge.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ Mbyllja e TikTok, 81% e shqiptarëve pro vendimit të qeverisë

Sondazhi/ Mbyllja e TikTok, 81% e shqiptarëve pro vendimit të qeverisë

25 Dhjetor, 21:08