POP 5

Lajmet më të lexuara të 5 minutave të fundit

Sociale

Elbasan/ Gjimnazi pa ngrohje, nxënësit blejnë reflektorë! Të vegjlit për Report Tv s’i kursejnë batutat: Na mbetet të përqafohemi për tu ngrohur

Gjimnazi “Mahmud Ali Cungu” në Elbasan aty ku zhvillojnë mësim dhe nxënësit e “Onufrit” nuk ka sistem ngrohje. Nxënësit ankohen se në klasa është shumë ftohtë dhe për këtë arsye janë detyruar të lënë dhe orët e mësimit.

Gjimnazi “Mahmud Ali Cungu”, një ndër shkollat me numrin më të madh të nxënësve në qytetin e Elbasanit nuk ka sistem ngrohje. Në këto ditë të ftohta, ndizen rezistenca apo reflektorë që digjen shpejt pasi rrjeti elektrik nuk e përballon ngarkesën. Kësisoj nxënësit detyrohen të qendrojnë me xhupa në mësim apo të blejnë vetë reflektorët.

Ne takuam një nxënës që futet në shkollë me reflektor në dorë dhe thotë se “gjithë klasa ka mbledhur nga dy mijë lek për ta blerë”. Të tjerë me humor, shprehen se po e përballojnë të ftohtin me përqafime.

Gazetari: Me çfarë ngroheni?

Nxënësja: Me përqafime...!

Në këto ambiente zhvillojnë mësim me turne dhe nxënësit e shkollës së muzikës “Onufri”, pasi godina është në rikosntruksion.

Ata thanë se qëndrojnë me xhupa në klasë pasi një rezistencë afër tavolinës së mësueses nuk mund të ngrohë gjithë ambientin. Ndërsa një tjetër shprehet se “dy ditë kam munguar në shkollë nga i ftohti”.

Duke injoruar këtë realitet, Bashkia e Elbasanit përmes zyrës së shtypit deklaron se “168 institucione arsimore përfshirë edhe konviktin “Ymer Tola", funksionojnë me kaldaja, ndërsa ato shkolla që nuk janë pajisur me këtë sistem, ngrohja bëhet e pjesshme në mënyrë alternative, me energji elektrike”.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46