POP 5

Lajmet më të lexuara të 5 minutave të fundit

Politikë

Elbasan,Imami e Wolfarth në Uzinën
e Demontimit: "Të rrisim sigurinë"

Arben Imami, i shoqëruar nga kreu i OSBE/ODIHR në Shqipëri, Eugen Wolfarth vizituan Uzinën e Demontimit në Elbasan në kuadër të mbështetjes që i jep Komiteti Ndërkombëtar vendit tonë për të rritur sigurinë e demontimit të armëve si dhe shmangien e incidenteve në punë gjatë procesit të demontimit.
ELBASAN - Ministri i Mbrojtjes, Arben Imami, i shoqëruar nga kreu i OSBE/ODIHR në Shqipëri, Eugen Wolfarth vizituan Uzinën e Demontimit në Elbasan. Realizimi i kësaj vizite ishte në kuadër të mbështetjes që i jep Komiteti Ndërkombëtar vendit tonë për të rritur sigurinë e demontimit të armëve si dhe shmangien e incidenteve në punë gjatë procesit të demontimit. Wolfarth u shpreh se gjithë ky proces ndikon në forcimin e paqes dhe forcimin e përhapjes së ndjenjës së sigurisë në rajon.

“Ky proces ndikon në forcimin e paqes dhe forcimin e përhpjes së ndjenjës së sigurisë në rajon. Prezenca e OSBE në Shqipëri është garanci për vendin tuaj në vazhdimin e mëtejshëm për procesin e demontimit. 45 vjet komunizëm kanë lënë gjurmë në krijimin e municioneve të tepërta dhe do të duhet kohë për ta asimiluar gjithë këtë armatim të tepërt. Ne do të bëjmë një marrëveshje me Ministrinë e Mbrojtjes për të rritur më tej sigurinë e demontimit të municionit në Shqipëri.”, u shpreh Wollfarth.

Ndërsa Ministri Imami u shpreh i kënaqur me mbështetjen e OSBE-së dhe sigurinë që ofron ky fakt në “rrugën që kemi nisur për demontimin e armatimeve të tepërta.”

“Jam i kënaqur që OSBE na mbështet dhe kjo na ka bën më të sigurtë në rrugën që kemi nisur, pra demontimin e armatimeve të tepërta
Para 3 vitesh kishim 150 ton armatime të tepërta që mund të rrezikonin komunitetin përreth. Nga viti 2010 kemi pastruar të gjithë materialin e armatimeve dhe kjo rrugë do të vazhdojë derisa ky kontingjent të mos jetë më i rrezikshëm. Demontimi ka shkaktuar kosto të rënda në mjedis por ishte e nevojshme që demontimi të kishte prioritet mbi mjedisin.”, u shpreh ministri i Mbrojtjes Imami.

Në fund të vizitës Imami dhe Wolfarth vizituan nga afër ambientet e Uzinës si the vëzhguan procesin e punës së demontimit të armëve.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Zjarret në Los Angeles, Bebe Rexha: Ajri është i tmerrshëm, sikur po jetojmë brenda një oxhaku

Zjarret në Los Angeles, Bebe Rexha: Ajri është i tmerrshëm, sikur po jetojmë brenda një oxhaku

10 Janar, 16:34