POP 5

Lajmet më të lexuara të 5 minutave të fundit

Kronikë

Elbasan,kontrabandë mallrash,
1 në pranga,nën hetim doganieri

Policia e Elbasanit ka goditur një rast të kontrabandimit me metrazhe. Gjatë aksionit, është arrestuar transportuesi i mallit kontrabandë, si dhe është proceduar doganieri për ‘shpërdorim detyre'
Policia e Elbasanit ka goditur një rast të kontrabandimit me metrazhe. Gjatë aksionit, është arrestuar transportuesi i mallit kontrabandë, si dhe është proceduar doganieri për ‘shpërdorim detyre’. Uniformat blu kanë sekuestruar një kamion me metrazhe, 2000 kg pëlhurë (astarë) të reja dhe 960 kg mallra të ndryshme që dyshohet të jetë futur kontrabandë nga Pika e Kalimit Kufitar Tre Urat Përmet.

Si rezultat i aksionit, është arrestuar në flagrancë shtetasi Petrit Abedini, 58 vjeç, banues në Tepelenë. Arrestimi i tij, u bë pasi në Lagjen “Emin Matraxhiu” në unazën e qytetit, u kap në flagrancë me një kamion duke tregtuar mallra të ndryshme dhe duke shkarkuar mallra në një furgon, pa dokumentacion përkatës.

Materialet i kaluan Prokurorisë Pranë Gjykatës së Shkallës së Parë Elbasan për veprime të mëtejshme për veprën penale “Kontrabanda me mallra të tjera” dhe “Fshehja e të ardhurave” parashikuar nga nenet 174 dhe 180 të Kodit Penal.

Në vijim të veprimeve hetimore të kryera me këtë rast kontrabande, veprimet hetimore kanë vijuar nga sektori për Hetimin e Krimit Ekonomik dhe Financiar në Drejtorinë Vendore të Policisë Gjirokastër, ku ka filluar proçedimi penal ndaj shtetasit A.I., 33 vjeç, banues në Përmet me detyrë doganier në Degën Doganore Tre Urat Përmet.

Proçedimi ndaj tij filloi pasi më datë 24.10.2017, në hyrje të Republikës së Shqipërisë në Pikën e Kalimit Kufitar Tre Urat dyshohet se nuk ka ushtruar kontroll në kamionin që drejtohej nga shtetasi Petrit Abedini, i cili gjatë ditës së djeshme është arrestuar nga Policia e Elbasanit me konfeksione të dyshuara kontrabandë.

Ndaj tij, materialet i kaluan Prokurorisë së Rrethit Gjyqësor Përmet për veprime të mëtejshme për veprën penale “Kontrabanda nga punonjës që lidhen me veprimtarinë doganore” dhe “Shpërdorimi i detyrës” parashikuar nga nenet 175 dhe 248 të Kodit Penal.

metrazhe kontrabande

metrazhe kontrabande

Metrazhet e sekuestruara në Elbasan

d.c./shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Moti i keq/ Në Korçë 893 abonentë pa energji! Pala greke ndalon hyrjen e kamionave dhe autobuzëve në Kapshticë

Moti i keq/ Në Korçë 893 abonentë pa energji! Pala greke ndalon hyrjen e kamionave dhe autobuzëve në Kapshticë

13 Janar, 09:52