POP 5

Lajmet më të lexuara të 5 minutave të fundit

Kronikë

Elbasan, ndotja e mjedisit 4 herë
mbi normat e lejuara të BE

Rëndohet çdo ditë e më shumë ndotja në qytetin e Elbasanit. Banorët jetojnë nën renë e tymit të ndotur të zonës industrial, ndërsa dy kompanitë private “Kurum” dhe ajo e ferrokromit “ACR” kanë hequr dorë totalisht nga sistemi i filtrave.
Elbasan, ndotja e mjedisit 4 herë<br />mbi normat e lejuara të BE
ELBASAN- Tymi dhe bloza vazhdojnë të zgjojnë çdo mëngjes qytetarët e Elbasanit. Situata e ndotjes në Elbasan po kap vlera alarmante. Siç duket edhe nga këto pamje, Elbasani mbulohet çdo ditë nga një mjegull e ndotur, duke shkaktuar një kërcënim serioz për shëndetin e banorëve.
 
Kulmi i ndotjes arrin në orarin 18:00 deri në 04:00 të mëngjesit, ku mund të shikohet me sy të lirë se çfarë ndotje shkaktohet në qytetin e Elbasanit

Dy ndotësit kryesor, firma Turke “KURUM” dhe ajo e Ferrokromit “ACR”, kanë thyer çdo parametër të lejuar të ndotjes. Specialist theksojnë se kjo ndotje shkon 4 herë mbi normat e lejuara të Bashkimit Europian.
 
Kreu i Klubit Ekologjik të Elbasanit, Ahmet Mehmeti, shprehet i indinjuar që situata e ndotjes në qytetin e Elbasanit nuk po gjen një zgjidhje nga instancat shtetërore.
 
Ai thekson se të dy kompanive të ish-Kombinatit Metalurgjik u është bërë thirrje që të ndezin filtrat pluhur kapës, por të gjitha kërkesat kanë rënë në vesh të shurdhur. 

Muajin e fundit ka patur një shtim të ndotjes pranë ish-Kombinatit të Metalurgjikut. Kompania turke “Kurum” Dhe Ferrokromi “ACR”, kanë hequr dorë totalisht nga sistemi i filtrave duke shtuar sasinë e blozës kancerogjene që shpërndahet në atmosferë.

Redaksia Online
(e.s/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51