POP 5

Lajmet më të lexuara të 5 minutave të fundit

Arkiva

Elbasan, Rama: Saliu na
futi në tunelin e varfërisë

Kryetari i PS-së Edi Rama përmbylli sonte fushatën elektorale në qytetin e Elbasanit. "Sot Saliu u paraqit në një tunel me shpresën e dëshpëruar se do ta tërheqë tërë popullin në atë tunel", - tha ai, -"por e vërteta është se rrugët bëhen me paratë e popullit, ndërsa papunësia luftohet me politika".

Redaksia online
(ar.sh/shqiptarja.com) 
Elbasan, Rama: Saliu na<br />futi në tunelin e varfërisë
ELBASAN-  Partia Socialiste organizoi sot pasdite, mitingun përmbyllës të fushatës elektorale në qytetin e Elbasanit, ku kryetari i saj, Edi Rama, e nisi fjalën e tij me veprën e fundit të infrastrukturës, që u përurua nga  Kryeministri, tunelin e Krrabës.

“Sot Saliu u paraqit në një tunel me shpresën e dëshpëruar se do ta tërheqë tërë popullin në atë tunel, - tha ai, - "por e vërteta është se rrugët bëhen me paratë e popullit, ndërsa papunësia luftohet me politika; rrugët bëhen me paratë e popullit, ndërsa arsimi dhe shëndetësia ndërtohen me politika. E pra, nuk ka rrugë dhe tunel që të fshehë papunësinë dhe braktisjen sociale në këtë vend. Saliu duhet të japë llogari jo para Elbasanit, por para gjithë Shqipërisë për tunelin e stërgjatë të mungesës së ujit në parcelë, të pamundësisë për të nxjerrë prodhimin në treg, të pamundësisë për të jetuar normalisht.

Saliu duhet të përgjigjet para gjithë shqiptarëve për tunelin e gjatë të borxheve në ushqimore; Saliu duhet të japë llogari për tunelin e izolimit nga bota, ndërkohë që Shqipëria në 23 qershor do të vendosë të dalë nga tuneli i këtyre tetë viteve. A e kuptoni tani se pse Saliu u nxitua të përurojë tunelin? Se ai kujtoi se shqiptarët do të hutoheshin dhe harronin gjithë këto tunele të tjera, ku Saliu i mban peng.  Sigurisht që edhe rrugën që lidh me Elbasanin do ta përfundojmë ne dhe pas gjithë këtyre viteve shpenzime kolosale, do ndërtojmë rrugë të standarteve europiane dhe jo rrugë elektorale për të tërhequr popullin prej hunde.

Duke parë gjithë këtë mbështetje, ju zotohem se nuk do t’ju harrojmë dhe do t’ju mbështesim. Edhe vetëm 7 ditë, edhe vetëm një javë, bëni çmos për të shkuar në kutinë e votimit për të shkuar atje sëbashku me një tjetër që nuk ka skuar herën e fundit, që ju do ta bindni për të bërë votën tuaj dyfish", - përfundoi Rama.
 
Redaksia online
(ar.sh/shqiptarja.com) 

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë

GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë

27 Nëntor, 21:39