ELBASAN- Reshjet e rëna gjatë orëve të fundit kanë krijuar probleme në disa zona të qarkut të Elbasanit.

Lidhur me këtë situatë ka reaguar prefekti i Elbasanit Shefqet Deliallisi, i cili është shprehur se situata aktualisht është nën kontroll por nuk ka lenë as pa përmendur disa prej zonave problematike të cilat krijohen si pasojë e reshjeve.

Ashtu si çdo vit tjetër problemet më të mëdha janë paraqitur në zonat e thella të cilat kanë edhe një reliev kodrinor siç është zona e Gjinarit në Elbasan apo zona e Murrashit në rrethin e Librazhdit.

Problemi kryesor për këto akse rrugore është rrëshqitja e dherave dhe rënia e gurëve.
(eç/shqiptarja.com)