TIRANË - Shkarkohen nga detyra 19 shefa sektorësh, seksionesh dhe oficerë policie në Drejtorinë e Policisë së Qarkut Elbasan.

Lajmi është bërë i ditur nga burime pranë Ministrisë së Brendshme, sipas të cilave, shkarkimet u bënë pasi emërimet e tyre janë bërë jashtë kritereve të Ligjit për Policinë e Shtetit.

Burime nga uniformat blu kanë bërë të ditur se, i shkarkuar është edhe shefi i Komisariatit të Policisë së Librazhdit, Agim Harizaj. Ndërkaq ditën e sotme është prezantuar edhe shefi i ri i këtij komisariati, Gramoz Dafku.

Nga burime të policisë është bërë e ditur se, i shkarkuar është edhe Erjon Ismaili, shef i Antidrogës në Drejtorinë e Policisë së Elbasanit, shefi i Sektorit të Rendit në Drejtorinë e Policisë Elbasan, Dhimitër Gjika, Shefi i Policimit në komunitet, Ndriçim Matraxhiu, Shefi i sektorit të Antikorrupsionit, Fitim Musaj, shefi i Sektorit të qarkullimit rrugor, Avdi Alucaj.

I shkarkuar është edhe shefi i Seksionit të rendit në Komisariatin e Policisë Elbasan, Reshit Moli. I shkarkuar është edhe specialisti i Sallës operative në Drejtorinë e Policisë Elbasan, Et’hem Kripshi. Ndërkaq nuk dihen emrat e të shkarkuarve të tjerë.

Burime nga policisë, pritet të lirohet nga detyra edhe shefi i Komisariati Peqin Flamur Molla dhe ai i Gramshit, Sokol Noka. Ndërkaq, që nuk janë bërë të ditur emrat e atyre që do të zëvendësojnë  ata.

EMERIMI I SHEFIT TE KOMISARIATIT TE LIBRAZHDIT
Shefi i ri i Komisariatit Librazhd, Gramoz Dafku
 
EMRAT E OFICERËVE TË SHKARKUAR
Shefi i komisariati Librazhd, Agim Harizaj

Shefi i Antidrogës, Erjon Ismaili  

Shefi i Sektorit të Rendit në DPQ Elbasan, Dhimitër Gjika

Shefi i Seksionit të rendit në Komisariatin Elbasan, Reshit Moli

Shefi i Policimit në komunitet, Ndriçim Matraxhiu

Shefi i sektorit të Antikorrupsionit, Fitim Musaj

Shef i Sektorit të qarkullimit rrugor, Avdi Alucaj

Specialisti i Sallës operative Et’hem Kripshi
 
Redaksia online
(ac/shqiptarja.com)