Elbasan - Shkrumbohet një apartament në një pallat 5-katësh në Elbasan. Një zjarr i fuqishëm ka përfshirë katin e tretë të një pallati në lagjen numër 5 të qytetit,dhe për pasojë një apartament është bërë i pabanueshëm.

Fatmirësisht, nuk ka patur të lënduar në njerëz, por vetëm dëme materiale.
Dyshohet se një shkëndijë elektrike është bërë shkak i zjarrit, që më pas është përhapur në të gjithë apartamantin.

Dy zjarrëfikëse kanë mbërritur në vendin e ngjarjes, ku kanë neutralizuar flakët e zjarrit, si dhe kanë parandaluar përhapjen e flakëve edhe në apartamente të tjera të pallatit.

(s.f/v.gj/shqiptarja.com)