Elbasan- Përplasi një 45-vjeçar me motor duke e plagosur bashkë me pasagjeren dhe u largua nga vendi i aksidentit, identifikohet dhe arrestohet 62-vjeçari, drejtues i veturës tip “Benz”.
Procedohet në gjendje të lirë edhe i dëmtuari, pasi nuk dispononte leje drejtimi.
Policia e Elbasanit njoftoi sot se ka zbardhur aksidentin e ndodhur më 7 Shtator në lagjen "28 Nëntori", ku u përplasën një automjet me një motomjet.
![](https://shqiptarja.com/template/img/NO_ALFA_Kuadrate shqiptarja.png)
“Specialistët e Sektorit të Qarkullimit Rrugor bënë të mundur identifikimin, kapjen dhe arrestimin e drejtuesit të automjetit, shtetasit H. O., 62 vjeç”, thuhet në njoftimin zyrtar.
Si pasojë e përplasjes, përveç drejtuesit të motorit mbeti e plagosur edhe pasagjerja, por të dy janë jashtë rrezikut për jetën.
Hetimeve dhe marrjes nën akuzë në gjendje të lirë nuk i ka shpëtuar as drejtuesi 45-vjeçar i motorit, pasi policia tha se “nuk ishte i pajisur me leje drejtimi”. Makina tip “Benz” u sekuestrua si provë materiale, kurse ndaj 62-vjeçarit u ngritën dy vepra penale.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)