Elbasani mbi 3000 prenotime për natën e ndërrimit viteve! Fshati turistik i Gjinarit, destinacioni kryesor i të huajve! Surprizat që priten natën e sotme

ELBASAN- Dekoruar me ngjyrat dhe dritat festive, Elbasani pret me qindra vizitorë që u bashkohen vendasve në sheshin pranë kalasë. Grupi i mirënjohur i rokut “Tre muskëtierët”, dhuroi spektakël mbrëmjen e 30 dhjetorit.  Të tjera supriza janë rezervuar nga bashkia për natën e ndërrimit të viteve.

“Kemi një koncert rinor, do performojnë disa DJ më datë 31 dhjetor. Sonte, më 30 dhjetor kemi koncertin me këngëtarët e njohur, Elton Deda, Aleksandër Gjoka dhe Redon Makashi. Do ketë disa aktivitete për fëmijë dhe në fund spektakli i fishekzjarreve”, u shpreh  Klinsi Lala, drejtor i Qendrës së Artit dhe Kulturës në Elbasan.

Sa i përket rezervimeve në hotele e bujtina ka pasur një rritje krahasuar me vitet e kaluar si nga vendasit ashtu dhe nga të huajt.

“I pari është Gjinari për shkak të klimës, po zhvillohet dhe zona e Funarit dhe Labinot Fushë. Por edhe hotelet në qendër përreth Kalasë janë plot për natën e Vitit të Ri. Nga të dhënat që kemi deri tani, 3 mijë prenotime në total, ose ndryshe treçereku i hoteleve e bujtinave janë të rezervuara për natën e ndërrimit të vitit në gjithë territorin e Bashkisë së Elbasanit”, vijoi Lala.

Jo rastësisht Gjinari, është destinacioni kryesor i turistëve që e kanë zgjedhur për të kaluar festat. Peizazhit mbresëlënës dhe ajrit të pastër i shtohet kuzhina tradicionale dhe mikpritja e vendasve.  

“Për Krishtlindje dhe Vit të Ri ne jemi të rezervuar. Kemi një familje që vjen nga jashtë vendit. Veç nesh, në dijeninë time dhe bujtinat e tjera janë të rezervuara”, tha Petrit Mufali, pronar i njërës prej bujtinave.  

Pylli i dendur me pisha, pllaja e gjelbër edhe në dhjetor e bëjnë Gjinarin një vend ideal për të apasionuar pas ecjeve në shtigje malore.

B.K./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish ministri dhe ish kryebashkiaku i Sarandës Stefan Çipa në SPAK (VIDEO)

Ish ministri dhe ish kryebashkiaku i Sarandës Stefan Çipa në SPAK (VIDEO)