Të shtunën Elbasani shkroi historinë, duke siguruar rikthimin në Superligë të qytetit pas 9 vitesh, ndërsa për klubin e ri me emër Akademia Futbollit Elbasani do jetë hera e parë. AF Elbasani u krijua si nevojë e shkrirjes së KF Elbasanit, që ishte i zhytyr në borxhe dhe kishte përplasje me qeverisjen vendore.
“Ishin tre vite mjaft të mundimshme për ne sepse na u desh të fillonim gjithçka nga e para. Ky klub e nisi nga zero, e nisëm nga kategoria e tretë dhe brenda 3 vitesh ja ku jemi në Superligë. Ishte një projekt që nisi nga kryetari i bashkisë Gentian Llatja dhe administratori Marenglen Çoku,”-u shpreh Elton Guranjaku, drejtor sportiv i Elbasanit.
Elbasani udhëheq Kategorinë e Parë me 69 pikë, 2 më shumë se Bylisi i vendit të dytë, ndërsa të dyja këto ekipe kanë krijuar diferencë matematikore me ndjekësit. Për Report TV drejtori Guranjaku tregoi se çfarë e bëri Elbasanin të ngjitej brenda një sezoni në Superligë.
“Merkato e verës që do bënte ndryshimin tek ne. Bëmë një merkato mjaft cilësore, me lojtarë me skperiencë që i morëm nga Superliga plus trajneri Nevil Dede. U bashkua me stafin nga Elbasani trajnerët Ergys Kotorri, Merxha,”-tha Elton Guranjaku, drejtor sportiv i Elbasanit.
Veçoria dalluese dhe domethenëse e Elbasanit këtë sezon ka qenë numri i madh i tifozëve në stadium.
“Sezonin tjetër unë jamë shumë i sigurtë që një ndeshje Elbasani-Tirana në Elbasan Arena do jetë 10-11 mijetë vetë dhe do jetë një festë e bukur për qytetin, por edhe gjithë futbollin në Shqipëri,”-deklaroi Elton Guranjaku, drejtor sportiv i Elbasanit.
Edhe pse për klubin është historike pjesmarrja në Superligë, AF Elbasani sezonin e ardhshëm nuk do kënaqet vetëm me prezencën.
“Ndryshime do ketë, lojtarë të tjerë do vijnë pasi klubi ka gjithmonë nevojë për përforcime, aq më shumë në Superligë. Do shikojmë të bëjmë një merkato mjaft të mirë, mjaft cilësore për të arritur objektivat për sezonin e ardhshëm. Duam të jemi protagonistë edhe sezonin e ardhshëm,”-u shpreh Elton Guranjaku, drejtor sportiv i Elbasanit.
Bashkë me Elbasanin ngjitjen në Superligë nga Kategoria e Parë e ka siguruar matematikisht edhe Bylisi, ndërsa drejtuesit verdheblu thonë se duan ta mbyllin sezonin me trofe të fituar.
Lajme të tjera
-
Mbyllet gjysma e sezonit/ Skënderbeu lë 2 pikë me Bylisin, Gjoka: Keqardhje e madhe! Pas 175 javësh çdo ndeshje me 3 gola
16 Dhjetor, 12:26
-
Superliga/ Teuta 'i fik dritat' Egnatias, i mposht 2-1 dhe i heq mundësinë e kreut! Skënderbeut 2-2 ndaj Bylis, Dinamo kryeson pas gjysmës së sezonit
15 Dhjetor, 18:48 -
Ikin dritat në stadiumin e Durrësit, Teuta - Egnatia ndërpritet për pesë minuta
15 Dhjetor, 17:20 -
Superliga/ Tirana në pikë të hallit, Dinamo e mposht 2-1 në derbi dhe merr kreun! AF Elbasani ndal 2-2 Partizanin në kryeqytet, Vllaznia fiton kundër Laçit
14 Dhjetor, 21:08 -
Kategoria e Parë/ Vora leksion Korabit, fiton 3-0 dhe mban kreun! Burreli befasia e sezonit, shtyhen tre ndeshje (Renditja)
14 Dhjetor, 17:05 -
Në Shkodër 'fiken dritat', Vllaznia - Laçi fillon me vonesë! Tifozët braktisin Superligën
14 Dhjetor, 16:11 -
Kushtet atmosferike, shtyhen tre ndeshje në Kategorinë e Parë
14 Dhjetor, 15:06 -
Tirana harron të fitojë, barazon 0-0 me Teutën në ‘Air Albania’! Renditja e Superligës dhe agjenda e javës së 18-të
10 Dhjetor, 09:31 -
Partizani humb komandën e Superligës, Bylisi i Nevil Dedes e mposht në Ballsh
9 Dhjetor, 15:43 -
Fitorja kundër Elbasanit, Brdaric: S'rrezikoja shkarkimin, mendoj vetëm për Vllazninë! Gvozdenovic i zhgënjyer pas humbjes
9 Dhjetor, 12:43 -
Partizani, Veselinovic: Kujdes nga Bylis, mposhtën Vllazninë
8 Dhjetor, 21:22 -
Kategoria e Parë/ Vora katër gola për kreun, Flamurtari mposht Kukësin! Tri pikë për Besën, Korabi ndalet në shtëpi (Renditja)
8 Dhjetor, 16:00
