ELBASAN- Mijëra njerëz ka mbledhur sot Elbasani, i cilësuar si kryeqyteti i Ditës së Verës. Pjesëmarrësit në festë ndoqën programin e pasur festiv me koncerte, paradë, panairin artizanal. Ra në sy mungesa e Kryeministrit Rama, por nuk munguan përfaqësues të tjerë të politikës si nga e majta dhe e djathta.
Në Lungomaren e Vlorës u prezantuan gatimet tradicionale, ndërsa të rinjtë festuan me muzikë, lojëra dhe animacione.
Një ditë e ngrohtë për shëtitje në Sarandë, ku në shëtitore tërheqin vëmendjen pikturat e nxënësve të shkollave 9-vjecare.
Në Lezhë festimet u organizuar tek kalaja, ku protagonistë u bënë grupet artistike dhe nxënësit me intepretime në muzikë e valle.
Qindra qytetarë të Beratit por jo vetëm mbushën sheshet, rrugica çdo cep të Kalasë, në një atmosferë të këndshme me këngë valle dhe ekspozita në natyrë.
Parku i Divjakës prej vitesh është kthyer në një vend të preferuar për piknik. Të favorizuar nga moti i mirë grupe qytetarësh nga qytete të ndryshme të vendit, zgjodhën Divjakën për të kremtuar festën në natyrë e ajër të pastër.
Sot në Ditën e Verës, në sallën e Pallatit të Kulturës në Dibër, u mblodhën ish-ushtarakë, ushtarakë dhe oficerë në pension dhe aktivë. Në këtë aktivitet u kujtuan oficerët e rënë në detyrë.
Të pranishmit kujtuan me respekt oficerët që kanë kryer me sukses detyrën për mbrojtjen e paqes. Në të gjitha luftërat Dibra ka pasur prijës të denjë dhe të suksesshëm duke nisur nga Gjergj Kastrioti (Skënderbeu), Elez Isufi (gjenerali me shajak) Suf Xhelili etj. Të pranishëm në këtë aktivitet ishin ushtarakë dhe ish ushtarakë të lartë si; Ismail Shulku komandant drejtues shtabi, Gjeneral Dilaver Laçi, Gjeneral Xhemal Gjunkshi (ish shef i shtabit të përgjithshëm) Gjeneral Gjergj Vladi, dhe gazetari Kujtim Boriçi.
Dita e Verës ka sjellë festime edhe në qytetin e Vlorës. Gatime tradicionale, muzikë , lojëra të ndryshme dhe animacion kanë mbushur sheshin Lungomare ne Vlorë.
Nxënës të shkollave të qytetit dhe jo vetëm, por edhe qytetarë të shumtë kanë festuar së bashku ardhjen e stinës së ngrohtë.
Presim një stinë ndryshe, të ngrohtë dhe plot mirësi, janë urimet e përcjella ndërsa edhe kryetari i bashkisë Vlorë, Ermal Dredha ka uruar Ditën e Verës ne një ditë plot diell.
Parku i Divjakës prej vitesh është kthyer në një atraksion për Ditën e Verës. Të favorizuar nga moti i mirë grupe qytetarësh jo vetëm nga Divjaka e Lushnja por edhe Kuçova, Elbasani, Durrësi e të tjerë kishin përzgjedhur Divjakën për të festuar.
Qytetarët janë joshur nga atraksionet e shumta që ofron Divjaka si deti, pylli dhe të tjera elemente natyrore që ofron.
Gjithashtu edhe sheshet dhe lokalet në Divjakë janë mbushur, ku kërkohet largimi nga zhurma e qyteteve kryesore.
Edhe këtë vit dita e verës u festua në sheshin e Kalasë në Berat. Qindra qytetarë të Beratit por jo vetëm kanë mbushur sheshe rrugica çdo cep të Kalasë së qytetit të UNESCO-s.
Atmosfera festës është ndezur nga këngët vallet e Qendrës Kulturore ku kanë ka munguar demonstrimet e grupit të atletikës d boksit si dhe ekspozitat e fëmijëve me pikturat e tyre plot fantazi. Ndërsa përveç këngëve fëmijët janë argëtuar me personazhet nga trupa teatrit kukullave. Qytetarët urojnë njeri tjetrin për ditët që do vijnë të jen të bukura plot diell si kjo ditë.
Në këtë ditë sipas amvisave gatuhet ëmbëlsira byrek me lakër misra zier etj si dhe vendosen veroret simbol i pranverës.
Muzike, interpretime, valle, piktura dhe lojëra te ndryshme. Në këtë mënyre u festua dita e verës në qytetin e Lezhës.
Protagonist të festes u bënë grupe te ndryshme artistike dhe fëmije te shkollave të qytetit, të cilët përmes performcës së tyre tërhoqën vëmendjen e shumë qytetareve të cilët kishin mbushur kalanë mesjetare të qytetit.
Teksa uruan Ditën e Verës qytetar dhe artist të pranishëm thonë se atmosfera e krijuar i përmbushi ne maksimum pritshmëritë e tyre.
Festimet për Ditën e Verës janë kthyer në tradite te përvitshme në Lezhë, ndërsa këtë vit organizimi u bë nga Qendrës Kulturore e Fëmijëve.
Favorizuar dhe nga moti i ngrohte me diell, festimet për ditën e Verës në Lezhë vijuan deri në orët e pasditës te kësaj të enjte.
Mijëra njerëz kanë mbledhur sot në Elbasan, kryeqytetin e Ditës së Verës për të festuar. Siç shihet edhe nga pamje me mijëra qytetarë kanë zgjedhur këtë qytet, duke ndjekur programin festiv dhe aktivitetin.
Dita e Verës është pritur në një atmosferë të veçantë të zjarreve në Qarkun Juglindor, ku kryesisht të rinjtë kanë ndezur zjarret si një ritual i cili realizohet mbrëmjen para Ditës së Verës për largimin e të vjetrës dhe fillimin e të resë dhe largimin e shpirtrave të këqij. Më pas këto zjarre kapërcehen nga pjesëmarrësit. Ata thonë se kjo është një traditë e përvitshme.
Përveç festimeve zjarret kanë dhe aspektin negativ i cili është ndotja e shumtë e ajrit, sidomos kur zjarret më të shumtë ndizen me goma makinash të cilat emetojnë disa herë më tepër ndotje në ambient. Ku jo në pak raste re të mëdha tymi mbulojnë këto zona.
Vendosja e veroreve në shtëpitë e qytetarëve është një prej traditave që vjen bashkë me Ditën e Verës, ku penjtë të bardhë dhe të kuq të dredhur me njëri tjetrin vendosen si aksesorë në duar si një shenjë për mbarësinë dhe bollëkun.
Dita e Verës është festuar prej shekujsh edhe në qarkun e Kukësit, një festë pagane që më së shumti ka kuptim për këto anë e banorët e saj si simbol i ardhjes së pranverës pas një dimri që dikur ishte i vështirë e mundimshëm.
Si asnjëherë tjetër, Hasi ka zgjedhur një mënyrë të veçantë për të pritur Ditën e Verës. Me zjarrin nga degët e dëllinjave, vallet tradicionale e artistike të fëmijëve dhe gatimet e zonës. Të pranishëm ishin edhe banorë të Gjonajt të Hasit të Kosovës, fshat kufitar me Hasin e Shqipërisë.
Lajme të tjera
-
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Apeli e dënoi për tjetërsimin e tokës te Rana e Hedhun, arratiset ish-kreu i Bashkisë së Lezhës, Fran Frrokaj! Nuk gjendet në banesë
25 Dhjetor, 13:02
-
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
Besimtarët e krishterë në Berat festojnë Krishtlindjet: Dashuri, begati dhe harmoni në çdo familje
25 Dhjetor, 11:37 -
E përditshmja britanike 'Express': Shqipëria ndër vendet më të mira për të shkuar me pushime në 2025
25 Dhjetor, 09:52 -
Krishtlindja kremtohet edhe në Lezhë, qindra besimtarë i bashkohen ritualit fetar në katedralen e ‘Shën Nikollit’
25 Dhjetor, 09:47 -
VIDEO/ 'Mangalem's Shade', magjia e dritave në lagjen muzeale të Beratit
25 Dhjetor, 09:03
-
Kurbin/ Humb kontrollin e mjetit dhe del nga rruga, ndërron jetë 65- vjeçari
25 Dhjetor, 08:23 -
Sot sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut
25 Dhjetor, 07:51 -
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Kisha e 'Shna Ndout' tërheq qindra besimtarë, mbahet mesha e shenjtë e Krishtlindjes
24 Dhjetor, 20:06
