Dita e verës mblodhi në kryeqytet me mijëra qytetarë. Favorizuar dhe nga moti i ngrohtë me diell, ata shijuan aktivitetet e shumta që u organizuan.
Muzikë, lojëra për fëmijë, stenda me ushqime dhe produkte tradicionale, lojëra sportive apo ekspozitë me piktura dhe makina retro ishin vetëm disa aktivitetet.
Vëmendje tërhoqi edhe një tank ushtrie i pikturuar me lule në sheshin Skënderbe.
Risi e këtij viti ishte një kamion lëvizës i kthyer në skenë, ku performuan këngëtarë si Artjola Toska, Valbona Mema, Xhensila Myrtezaj e DJ të ndryshëm.
E padyshim nuk kishte si të mungoni ballokumet dhe veroret, traditë e festës së verës. Artizanja e ballokumeve tregon sekretin e kësaj ëmbëlsire.
Më të lumturit padyshim ishin fëmijët. Gëzimi që ndjenë dhe panë sot në çdo fytyrë, duan që ta përjetojnë çdo ditë.
Kurse më të moshuarit rrëfyen për Report Tv si festohej më parë festa e verës si dhe traditat që kanë në familjet e tyre.
Festës ju bashkua edhe kryebashkiaku Erion Veliaj, i cili uroi të gjithë qytetarët.
Rreth 35 aktivitete për ditën e verës, e cila simbolizon largimin e së keqes së dimrit dhe ardhjen e verës, u përqendruan tek Sheshi Skënderbe, Bulevardi Dëshmorët e Kombit, Sheshi Nënë Tereza, liqeni Artificial, Pazari i ri dhe në Ish-bllok. Për mbarëvajtjen e aktivitetit deri në mesnatë u bllokua edhe qarkullimi për automjetet në disa rrugë.
Ministrja e Bujqësisë dhe Zhvillimit Rural, Anila Denaj ishte sot në një vizitë në Bulevardin 'Dëshmorët e Kombit' ku pa nga afër panarin e hapur me rastin e Ditës së Verës. Denaj u shpreh krenare në prononcimin e saj për produkete shqiptare në panair.
Prononcimi i Ministres se Bujqesise dhe Zhvillimit Rural per mediat, gjate vizites ne panairin e hapur ne Bulevardin "Deshmoret e Kombit" me rastin e Dites se Veres.
Së pari për gjithë shqiptarët gëzuar këtë ditë të bekuar të verës! Ardhtë e mbarë dhe me bereqet! Është një ditë shumë e bukur siç e shikoni edhe vetë plotë me aktivitete, ndërkohë që Ministria e Bujqësisë dhe Zhvillimit Rural përfaqësohet me qendrat e saj, të cilat në gjithë Shqipërinë realizojnë paralelisht produkte bujqësore dhe këtu jemi per ti tregëtuar sikurse edhe për ti bërë më shumë shqiptarët që të blejnë shqip.
Unë jam shumë krenare në fakt që ky ndërgjegjësim është rritur falë edhe cilësisë së produkteve shqiptare, që sot jo vetëm kanë çarë tregjet ndërkombëtare dhe ato cilësore, por po konkurrojnë denjësisht në vendin tonë me produkte, të cilat edhe pse vlera mund të jete pak më e rritur siç na u ankua një konsumator cilësia është ajo që prevalon. Shumë mbarësi të gjithëve të cilët punojnë dhe lidhen në një zinxhir vlerash produktesh dhe ekonomie shkallle.
Për sa i takon aktiviteteve të sotme mendoj që këto janë aktivitete që duhet të zhvillohen përtej Ditës së Verës, sigurisht simbolika vlen, por ne duhet të jemi gjithmonë me konsumatorët, me gjithë fermerët, blegtorët për të mundësuar një shitje në tregjet tona qoftë ato të krijuara me mbështetjen e qeverisë ashtu edhe me partnerët tanë ndërkombëtar që jo pak kanë krijuar tregje në të gjithë Shqipërinë dhe besoj që do jenë aksese shumë të mira për turistët e këtij viti që besoj 14 milionshin e kapim pa frikë.
Ditë të mbarë!
Kryetarja e Kuvendit Lindita Nikolla, ka uruar qytetarët me rastin e Ditës së Verës.
“Dita e Verës, fillimi i stinës së gëzueshme plot diell, dritë e jetë, le të na ndriçojë e inspirojë për të dashur e për t’u gëzuar më shumë me familjet tona, të afërmit, miqtë, njerëzit që na rrethojnë.
T’i gëzohemi e t’i kushtohemi natyrës, me urimin e shpresën që lulëzimi i saj të përshkojë edhe jetët tona. Paçim një stinë të bukur, plot jetë, shëndet e gëzime për të gjithë.”- shkruan Nikolla.
Presidenti Bajram Begaj, përcolli sot një mesazh urimi me rastin e “Ditës së Verës”. Presidenti Begaj ndau me shqiptarët elementet tradicionale të kësaj feste, e cila kremtohet në të gjithë vendin për të lajmëruar ardhjen e pranverës.
Kreu i Shtetit risolli në vëmendje mënyrën se si kjo festë pritej në vendlindjen e tij në të gdhirë të datës së 14 Marsit, kur fëmijët lajmëronin ardhjen e stinës së pranverës.
“Në fëmijërinë time, 14 Marsi niste me të vegjlit që shpërndanin në çdo shtëpi një plis me grurë të sapombirë, degë ulliri dhe degë lule kumbulle. Kjo bëhej për të uruar një pranverë të begatë, të paqtë dhe të gëzuar. Mbarësi, begati dhe gëzim sjelltë kjo festë në çdo shtëpi shqiptare”, shkruan Presidenti i Republikës në profilin e tij zyrtar në Facebook, ku shpërndau edhe një video me simbolin e “Ditës e Verës” së fëmijërisë së tij.
Kryeminsitri Edi Rama ka uruar qytetarët për Ditën e Verës.
‘Mirëmëngjes dhe me ditën që paralajmëron më shumë diell e mbarësi, ju uroj një pranverë të bukur!’- shkruan Rama.
Kryetari i Bashkisë së Tiranës, Erion Veliaj, fton qytetarët që të bëhen pjesë e festimeve për Ditën e Verës. Me anë të një postimi në rrjetet sociale, Veliaj njofton se për të festuar 14 Marsin si Ditën e Verës, Bashkia e Tiranës ka përgatitur një program të plotë me 24 orë festë dhe 34 evente të ndryshme.
Me një kalendar të ngjarjeve të shumëllojshme, qytetarët e Tiranës do të kenë mundësinë të marrin pjesë në aktivitete të shumta, duke filluar nga koncerte, ekspozita, përhapje artistike nëpër qytet, deri te aktivitete sportive dhe shfaqje të ndryshme kulturore.
“14 Mars, 24 orë festë, 34 evente! Shih kalendarin e eventeve dhe eja festojmë së bashku Ditën e Verës. P.S. Mos harroni veroret”, shkruan Veliaj.
Lajme të tjera
-
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Stadiumi i ri 'Selman Stërmasi', në janar pritet prezantimi i projektit! Kompania: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19 -
Trafik i rënduar në aksin Tiranë-Elbasan, shqiptarët drejt Pogradecit e Korçës për festat e fundvitit
24 Dhjetor, 15:44 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Tiranë/ 22 vjeçari arrestohet brenda parkingut në QSUT, kapet me rreth 900 gr kokainë! I sekuestrohet municion luftarak në banesë
24 Dhjetor, 11:49 -
VIDEO/ 'Motërq***, b***q, a i çon lekë fëmijës... Hë e more rrogën sot?', Belind Këlliçi dështon sërish, nuk mbledh dot militantë e i hakërrehet policëve
24 Dhjetor, 11:36
