Takimi i dytë i ciklit “Me fjalë të tjera” mbajtur nga Instituti Italian i Kulturës, u shënua këtë fillim javë në Shtëpinë e Evropës me shkrimtaren Elvira Dones...
Në bisedën me studiuesin Fabio Roçhi, Dones rrëfeu copëza nga përvoja jetësore si nënë grua e shkrimtare, dhe natyrën multidimensionale që e bëri të lëvrojë zanatin e gazetarisë, shkrimtares, regjisores e deri edhe si montazhiere...
Shqipëria është pjesë e letërsisë së saj, me të gjitha ngjyrat, përfshirë dhe dhunën si në romanin “Yjet nuk vishen kështu”...
Autorja nuk kurseu edhe episode të dhimbshme që e kanë inspiruar për romanet e saj si në rastin e personazhit të Leilës tek “Dielli i djegur”, një vajzë e re që ëndërronte të bëhej stiliste dhe bie pre e trafikimit.
Pasioni për gjuhët e huaja, dhe muzikën ishte pjesë e diskutimit.
Të shkruarit në italisht, pas 7 librave në shqip, thotë se ishte një proces që erdhi natyrshëm pas jetesës mbi 16-vjeçare në Zvicrën italiane por edhe shkrimeve në këtë gjuhë...
Gjatë bisedës Dones zbuloi edhe disa detaje nga projekti i radhës.
Lajme të tjera
-
'Kur ndjek një ëndërr!' Tri dekada në Itali, por shkroi histori shqiptare, Anilda Ibrahimi: Atdheu, gjithmonë brenda meje! Izolimit në diktaturë i shpëtova përmes librave
29 Tetor 2023, 16:22
-
Në 'Metropol' për 'Me këndu Zërin'! Robert Bisha bën bashkë artistë shqiptarë e italian për tri net: Tradita muzikore e dy vendeve dhe eksperimentimet me vokalin
6 Tetor 2023, 15:28
