Festim Qoli, i njohur si ‘Festja’ i Durrësit, akuzohet nga SPAK për vrasjen e ortakut të tij, 36-vjeçarit Elvis Dedaj në 5 qershor të vitin 2012 në Durrës si dhe për porositjen e vrasjes së nënës së tij, Fatmira Dedaj, një vit më pas, në 2013. Qoli është shpallur në kërkim pas dëshmisë së Nuredin Dumanit, i cili tregoi detaje nga krimi i dyfishtë.
Sipas dosjes në Prokurorinë e Durrësit, Festim Qoli ka deklaruar se Elvisin e kishte shok të ngushtë, por marrëdhëniet e tyre ishin ftohur, kur Elvisi i kishte treguar që dëshironte të martohej me një vajzë, të cilën Festimi pretendon ta kishte pasur të dashur para se ta njihte Elvisi. Qoli në atë kohë mohoi krimin, ndërsa prokuroria pas tre vitesh, pezulloi hetimet.
Çështja e vajzës duket se është një sajesë dhe se arsyet e vrasjes konsistojnë në interesa financiare dhe plane për përvetësim pronash.
Së pari, nëna e Elvis Dedajt, Fatmira Dedaj, ka deklaruar në prokurori, para se ta vrisnin, se kishte dyshime të forta se Festim Qoli ishte autori i vrasjes së djalit të saj, pasi Elvisi kishte kërkuar për të ndarë pasuritë dhe bizneset në bashkëpronësi.
Së dyti, para vrasjes së nënë e bir, Festim Qoli rezultonte bashkëpronar me Fatmira Dedajn në biznesin e tregtimit të karburanteve në Durrës. Qoli kishte 49 % të pikës së karburantit, ndërsa Fatmira Dedaj, e cila mbulonte të birin, kishte 51 %. Qoli u bë pronar me 100 % i karburantit pas vrasjes së nënë e bir.
Së treti, në dosjen e prokurorisë, thuhet se Festim Qoli dhe Elvis Dedaj kanë pasur edhe prona të tjera të përbashkëta të regjistruara në emër të Festim Qolit.
Së katërti, Nuredin Dumani, në dëshminë e tij, thekson se Festim Qoli, kishte shumë pasuri të regjistruar në emra të tjerë, duke përfshirë edhe një godinë trekatëshe në zonën e njohur si Nishtulla, ku përfshihej Bar Kafe “Spiranca”, ushqimore me shumicë edhe një restorant dasmash.
Së pesti, burime për Shqiptarja.com bënë theksuan se Elvis Dedaj kishte miliona euro para cash, dhjetëra mijëra m2 prona, apartamente dhe pasuri të tjera, në emër të Qolit, nënës së tij dhe të personave të tjerë.
Kush i përvetësoi pasuritë?
Festim Qoli, i akuzuar nga SPAK për vrasjen e Elvis Dedajt dhe porositjen e nënës së tij, mund të jetë përfituesi kryesor i pasurive të Elvis Dedajt, por nuk është i vetmi. Elvis Dedaj, krahas parave cash, kishte regjistruar pasuri në emrin të afërmeve.
Sipas burimeve, vetëm disa ditë pas vrasjes së Fatmira Dedjat, e cila nuk reshti së kërkuar drejtësi për vrasjen e të birit, kanë nisur ethet për përvetësimin e pasurive të tyre.
Për vajzën e vetme të Fatmirës (motra e Elvisit) nuk ka shumë të dhëna, por ajo mësohet se kaq qëndruar larg dhe jeton jashtë vendit. Elvisi kishte edhe një djalë të mitur, i cili jeton gjithashtu jashtë vendit.
Kështu që lufta për ndarjen e pasurive nisi mes dajës, tezes, dhëndurëve të dajave dhe kushërinjve të Elvis Dedajt.
Burime për Shqiptarja.com pohuan se përpos miliona euro, të cilat dyshohet se janë investuar në pasuri të paluajtshme, janë përvetësuar një fabrikë biskotash, lokale, karburante, disa apartamente tek një nga resortet më luksoze në Golem, 5 mijë m2 tokë në Karpen, pjesë ndërtimore të Shkëmbi i Kavajës, makina, apartamente në Durrës, troje etj.
Në skemën e tjetërsimit të pasurive dyshohet se kanë marrë pjesë disa noterë, avokatë dhe segmente të drejtësisë. Ndërkaq, mbetet për t’u parë nëse ka pasur bashkëpunim mes njerëzve nga ana e mamasë së Elvis Dedajt dhe Festim Qolit.
Në emër të këtij të fundit figuronte vetëm karburanti në Durrës, ku shumicën e aksioneve i kishte Fatmira Dedaj. Sipas Nuredin Dumanit, Festim Qoli, pasi u bë 100 % pronar i karburantit në 2013, pas vrasjes së zonjës Dedaj, e shiti këtë pasuri në vitin 2020.
Komente
Lajme të tjera
-
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02
Elvisi ose sic njihej ndryshe Loshi kavajes ka qene nje nga njerezit me te pasur ne shqiperi por e prene ne bene shoket e tij. Nga te paret shqiptare qe krijoi lidhje ne kolumbi kur te tjeret se dinin akoma rrugen me shku.
PërgjigjuPasurite shum mire qe nuk i gezuan se me lek te pist i kishin dhe as kush nuk ka per ti gezuar po kush i mori kjo duhet te zbulohet ???
Përgjigju