POP 5

Lajmet më të lexuara të 5 minutave të fundit

Politikë

Emërimet, Shehaj tek Tatimet
Spiropali te doganat, Çela te Posta

Emërimet të reja gjatë ditës së sotme. Dy drejtuese vajza vihen në krye të Doganave dhe Tatimeve: Elisa Spiropali dhe Briseida Shehaj. Në drejtorinë e Shërbimeve Qeveritare është emëruar Kamela Vojka, Ardit Çela në krye të Postës. Zyhdi Dajti tek INUK. Artan Lame tek Aluizni.
Shkarkohen drejtorët e Policisë Pyjore
Të gjitha lëvizjet e qeverisë "Rama"
Shehu: Do manipulojë INSTAT
Emërimet, Shehaj tek Tatimet<br />Spiropali te doganat, Çela te Posta
TIRANË - Emërime të reja janë bërë nga qeveria në sektorë të ndryshëm të ekonomisë. Edhe gjatë ditës së sotme, kryeministri Edi Rama ka emëruar drejtoreshën e re, të Tatimeve, të Doganave, të shërbimeve qeveritare, etj.

ZYHDI DAJTI KREU I RI I INUK
Zyhdi Dajti është emëruar si kreu i ri i Inspektoriatit Ndërtimor Urbanistik Kombetër, INUK. Emërimi është bërë nga kreu i qeverisë, Edi Rama. Zyhdi Dajti para këtij emërimi ka punuar më parë si drejtor i Policisë Bashkiake në Tiranë. Dajti u shkarkua nga detyra pas ardhjes së Lulzim Bashës në krye të bashkisë.
 
EMËROHET DREJTORESHA E RE E TATIMEVE
Emërohet drejtoresha e drejtorisë së përgjithshme të Tatimeve. Ajo është Brisida Shehaj, dhe është emëruar nga ana e Kryeministrit Edi Rama, në postin Drejtores së Përgjithshme të Administratës Tatimore.

Shehaj zëvendëson në këtë post, Gazmir Spahiajn, i cili dha dorëheqjen disa ditë më parë, menjëherë pas marrjes së detyrës nga qeveria e re.

ELISA SPIROPALI DREJTORESHË E DOGANAVE
Kryeministri Edi Rama ka emëruar Elisa Spiropalin në postin e Drejtoreshës së Përgjithshme të Doganave. Spiropali ka zëvendësuar në këtë post, Flamur Gjymishkën.

Spiropali aktualisht është kryetare e FRESSH-it, Forumi Rinor Eurosocialist i Shqipërisë, ndërsa ka ngjitur shkallët në PS-së, që nga anëtare e subjektit që vetë drejton tani. Spiropali është shkolluar në Shqipëri dhe jashtë vendit.

EMËROHET DREJTORESHA E RE E SHËRBIMEVE QEVERITARE
Emërohet drejtoresha e re e Shërbimeve Qeveritare. Me vendim të kryeministrit Edi Rama, Kamelja Vojka, është emëruar si drejtoreshë e re. Me këtë vendim Vojka ka zëvendësuar Elsa Meksin.

Drejtoresha e Vojka më parë ka qenë e punuar në Kuvendin e Shqipërisë, në nivelin e specialistes. Ajo është shkarkuar kur në krye të Kuvendit të Shqipërisë erdhi Jozefina Topalli.

Elsa Meksi kishte më shumë se 5 vite në detyrë ndërsa ajo është shkarkuar gjatë ditës së sotme me vendim të kryeministrit Edi Rama.

LAME NE KRYE TE ALUIZNIT
Qeveria emëron Artan Lamen në postin e  drejtorit të Përgjithshëm të Agjencisë së Legalizimit, Urbanizimit dhe Integrimit të Zonave/Ndërtimeve Informale. Emërimi u bë në mbledhjen e mbrëmshme të qeverisë të cilën e  drejtoi Edi Rama.

Qeveria mori vendim për lirimin dhe emërimin në detyrë të drejtorit të Përgjithshëm të Agjencisë së Legalizimit, Urbanizimit dhe Integrimit të Zonave/Ndërtimeve Informale (ALUIZNI)” Ardian Kollozi dhe emërimin e Artan Lames.

REVOKOHET EMERIMI I ANETAREVE TE KESHILLIT TE INSTAT
Po dje qeveria mori vendim për revokimin e emërimit të anëtarëve të Këshillit të Statistikave dhe për shfuqizimin e vendimit nr.310, datë 19.4.2013, të Këshillit të Ministrave, “Për emërimin e anëtarëve të Këshillit të Statistikave”.

EMERIMET NE KESH, TEK POSTA DHE ALBPETROL
Po dje Ministri i Energjisë dhe Industrisë Damjan Gjiknuri ka shkarkuar dhe emëruar gjashtë drejtuesit e institucioneve të varësisë. Kështu drejtor i KESH do të jetë Agron  Hetoja, ndërsa drejtor i Operatorit të Sistemit të Transmetimit do të jetë Engjëll Zeqo.

Këshilli Mbikëqyrës i Kompanisë “Albpetrol sh.a.” ka shkarkuar nga detyra drejtorin aktual, duke emëruar në këtë detyrë Endri Puka. Ministri Damian Gjiknuri ka firmosur gjithashtu edhe emërimet e drejtuesve të institucioneve të varësisë si IQT, AKBN, etj. Sipas këtyre vendimeve, Adrian Çela emërohet Kryeinspektor në Inspektoratin Qendror Teknik (IQT). Viktor Doda emërohet Drejtor i Përgjithshëm i Shërbimit Gjeologjik Shqiptar (SHGJSH). Ndryshime ka pasur edhe në Repartin e Inspektim Shpëtim-Miniera (RISHM), ku drejtor i ri emërohet Rrapush Tola.

Ndërkaq, Drejtor i Agjencisë Kombëtare të Burimeve Natyrore (AKBN) do të jetë Dael Dervishi.

Kurse Ministri i Ekonomisë Arben Ahmetaj ka firmosur emërimin e Ardit Çelës, drejtor të Postës, në vend të Gorresë. Çela, është Diplomuar në Inxhinieri Telekomunikacioni.

Redaksia online
(sg/a.ç/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zbulohet trajtimi i parë i astmës pas 50 vitesh kërkime

Zbulohet trajtimi i parë i astmës pas 50 vitesh kërkime

28 Nëntor, 14:45