Emigrantët, Rama: Nuk jemi të hapur për marrëveshje me vende të tjera! Do të jetë 100% përgjegjësi e palës italiane

Kryeministri shqiptar Edi Rama ka dhënë një tjetër intervistë për median italiane lidhur me marrëveshjen për ndërtimin në Shqipëri të dy qendrave për strehimin e migrantëve të shpëtuar në det nga anijet italiane. Këtë herë për prestigjiozen ‘Corriere della Sera”.  Kryeministri tha se marrëveshja me kryeministren italiane Giorgia Meloni do të ratifikohet në parlament dhe se Shqipëria nuk është e hapur për marrëveshje të tilla me vendet e tjera.  Kryeministri Rama u intervistua nga Leonard Berberi

Sipas zv/sekretarit Fazzolari, emigrantët mund të qëndrojnë në qendër në Shqipëri deri në 18 muaj kështu?

"Marrëveshja parashikon që emigrantët do të priten në qendrën e pritjes me qëllimin e vetëm të kryerjes së procedurave kufitare apo të riatdhesimit, të parashikuara nga legjislacioni italian dhe europian dhe për kohën e nevojshme. Në rast se nuk ka më të drejtën e qëndrimit në struktura, Italia i transferon menjëherë emigrantët nga territori shqiptar”.

A ka rrezik që mes emigrantëve të ketë terroristë?

“Nuk ka asnjë arsye për të pasur frikë. Thjesht duhet të kemi vullnetin dhe kujdesin për të përmbushur këtë angazhim duke respektuar dinjitetin njerëzor dhe rregullat e vendosura për funksionimin e këtij operacioni të përbashkët, të cilat përfshijnë edhe kontrollin nga agjencitë e sigurisë të të dy vendeve”.

A nuk keni frikë se Italia do të braktisë refugjatët tuaj?

“Përgjigja është në marrëveshje. Periudha e qëndrimit në territorin shqiptar nuk mund të kalojë maksimumin e lejuar nga legjislacioni italian për këtë çështje. Autoritetet italiane, në përfundim të procedurave të kryera në përputhje me legjislacionin e tyre, do të marrin masa për largimin”.

Kush do të vijë në Shqipëri? Në fillim dukej se ishte vetëm për burra

“Ata që përçuan në media në mënyrë të shtrembër atë që tha Meloni në konferencën për shtyp, folën për “burra”. Kryeministrja nënvizoi se të miturit dhe gratë shtatzëna nuk bëjnë pjesë në kategoritë e personave që do të priten në qendrën e pritjes në Shqipëri”.

A jeni kontaktuar nga vende të tjera europiane pas marrëveshjes me Italinë?

"Jo. Dhe ne nuk do të jemi të për për asnjë kërkesë, ashtu siç nuk ishim të për kërkesa të ngjashme përpara se të na kërkonte Italia. Në Romë nuk mund të thonim jo sepse kemi një borxh mirënjohjeje që nuk do të mund ta shlyejmë kurrë, por që nuk duhet ta harrojmë kurrë.

A do të trajtohen çështjet që lidhen me kërkesën për azil nga avokatët italianë që vijnë në Shqipëri?

"Ky operacion do të jetë 100% përgjegjësi e palës italiane, në çdo aspekt"

Një nga partitë e opozitës shqiptare pretendon se nuk është kushtetuese t'i lëshosh një tokë një shteti tjetër?

“Ligjet tona në këtë pikë janë të qarta: marrëveshja do të ratifikohet nga Parlamenti në javët në vijim”.

Ish-kryeministri shqiptar Sali Berisha tha për “Corriere” se ka frikë nga ksenofobia dhe protestat kundër italianëve. Çfarë përgjigje I jepni?

“Unë nuk i përgjigjem kurrë në gjuhë të huaj opozitës në Shqipëri, e nuk komentoj fjalët e një politikani si ai, i shpallur i padëshiruar nga SHBA-të për “korrupsionin e rëndë që përfshiu familjen e tij dhe për minimin e demokracisë” në vendin tonë.  Nuk e komentoj as në shqip. Fatmirësisht shqiptarët e dinë mirë se çfarë është emigracioni dhe mikpritja ndaj atyre në nevojë”.

Jeni të pakënaqur me reagimin e Partisë Demokratike Italiane?

"Kam qenë i befasuar. Ata kanë të drejtë të kundërshtojnë dhe kritikojnë qeverinë e tyre, por nuk ka asnjë arsye për të përfshirë socializmin dhe ekzekutivin shqiptar. Qeveritë vijnë e shkojnë, interpretimet e socializmit ndryshojnë, por Shqipëria dhe Italia janë gjithmonë aty, të lidhura pazgjidhshmërisht në ditët e mira dhe të këqija”.

Për çfarë e kritikoni Partinë Demokratike Italiane për reagimin e saj dhe fenomenin e migracionit?

"Asgjë! Askush në Evropë nuk mund të thotë se kanë zgjidhjen ideale dhe funksionale në të njëjtën kohë. Derisa Evropa të ketë një zgjidhje të pranuar nga të gjithë – edhe në aplikimin e saj të përditshëm – kjo do të mbetet një histori betejash dhe lojërash politike në shtetet anëtare”.

Keni pasur ndonjë reagim, qoftë edhe informal, nga pjesa tjetër e PSE?

“Jo, asnjë reagim”.

Duket se keni një marrëdhënie të veçantë me disa kryeministra italianë si Renzi dhe Meloni. Pak më pak me të tjerët, për shembull Draghi. Pse?

“E ke gabim, por nuk është faji juaj: Draghi ka fatin të jetojë pa rrjete sociale dhe nuk mund ta dijë se marrëdhënia ime me të është gjithashtu e veçantë. Për të qenë i qartë: një nga privilegjet më të mëdha që kam pasur është që Mario më kërkoi t'i drejtohesha me emër. Ai është një monument i gjallë”.

Pas gjithë kësaj zhurme, jeni ende të bindur për këtë marrëveshje me Italinë?

“Zhurmat” si këto, siç i quani me të drejtë, nuk më shqetësojnë fare”.

Intervista per Corriere della Sera
 

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 12/11/2023 03:25

    Koleksionit te reagimeve te tija si: /Nuk e dija,nuk e mendoja,me keqkuptuan,nuk e prisja/ po i shtojme dhe /u befasova/.Ky i ka vene te gjithe ne resht si ushtare te bindur dhe veten ne krye si autokrat! Shikoni menyren e te folurit dhe fjalet qe perdor:/Marreveshja do te ratifikohet nga parlamenti/ dhe /Zhurmat si keto nuk me shqetesojne fare/!! Po pse kjo eshte gjuha qe perdor kryeministri i nje shteti demokratik?! Fjale te tilla perdoren vetem nga diktatore e autokrate qe jane te sigurte qe te gjitha votat i kane /pro/ dhe nuk pyesin per asnje njeri se jane vete zot e vete shkop! Kush dreqin je ti qe kujton se ratifimin e marreveshjes e ke te sigurte,/Pol Poti/ i Shqiperise?! Kush kujton se je ti qe nuk shqetesohesh nga /zhurmat/,/Kim Jungu/ i Shqiperise?! Dhe c'eshte ky krahasim idiot qe i ben Draghit-/monument i gjalle/?! A te ka mesuar njeri se kur e quan nje person me nje epitet te tille,ne perendim e quajne fyese se eshte njelloj si t'i thuash /plak e shkuar plakut/!

    Përgjigju
  • Eri: 11/11/2023 16:22

    99 % nuk debohen sepse jane nga vende origjine me risk pervecse shumica hedhin pasaportat ne det....ata do mbeten ne Shqiperi...

    Përgjigju
  • Emigranti Albanes: 11/11/2023 11:30

    Mitoman njeri ! Ngele mediave ne itali e nje fjale per shqiptaret nuk e ke thene akoma ! Marreveshja nuk ka per te kaluar kurre ! Eshte krim njeezor e tradheti kombetare ! Zhduku nga PS idiot !

    Përgjigju
  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?



×

Lajmi i fundit

Rama mbledh sot deputetët e ministrat në Kryesinë e Kuvendit! Prezantohet nisma e re kombëtare për 'Shqipërinë 2030'

Rama mbledh sot deputetët e ministrat në Kryesinë e Kuvendit! Prezantohet nisma e re kombëtare për 'Shqipërinë 2030'