Emiratet e Bashkuara Arabe janë zotuar të japin 15 milionë dollarë ndihmë për rindërtimin e kampit të refugjatëve në Jenin të Bregut Perëndimor.
Kampi u dëmtua rëndë gjatë një operacioni të madh ushtarak nga Izraeli, i cili ishte më intensivi në gati njëzet vjet.
Ofensiva kishte në shënjestër militantët palestinezë pas një serie sulmesh ndaj izraelitëve, që rezultuan në zhvendosjen e mijëra individëve.
Dymbëdhjetë palestinezë dhe një ushtar izraelit humbën jetën gjatë konfliktit.
Emiratet e Bashkuara Arabe do t'i ndajnë fondet për UNRWA ,Agjencinë e Organizatës së Kombeve të Bashkuara për Ndihmën dhe Punët për Refugjatët e Palestinës, me qëllim rindërtimin e shtëpive dhe bizneseve në kamp, si dhe mbështetjen e shërbimeve të agjencisë.
Agjencia UNRWA është përballur me sfida financiare kohët e fundit, duke luftuar për të siguruar fondet e nevojshme për operacionet e saj të vazhdueshme që ndihmojnë miliona njerëz në Lindjen e Mesme.
Gjatë operacionit të fundit ushtarak izraelit në Jenin, rrugët u pastruan me forcë nga buldozerët për t'i hapur rrugë numrit të madh të ushtarëve që shkuan atje.
Zona, e cila ka popullsi të dendur, me afërsisht 24,000 banorë, u la pas me rrugë të shkatërruara, grumbuj asfalti të thyer, dhe gurë të shpërndarë përreth. Makinat u dëmtuan rëndë dhe disa u përmbysën e u dogjën.
Gjatë një konference donatorësh muajin e kaluar, UNRWA nuk arriti objektivin e saj për mbledhjen e fondeve prej 300 milionë dollarësh, të cilin e konsideroi të nevojshme për të vazhduar ndihmën e palestinezëve. Vetëm 107 milionë dollarë u ndanë nga vendet donatore.
Sekretari i Përgjithshëm i Kombeve të Bashkuara kishte paralajmëruar më parë se agjencia ishte në prag të kolapsit financiar.
Izraeli nisi pushtimin e kampit, i cili prej kohësh njihet si një bastion i militantëve palestinezë, me qëllim shkatërrimin dhe konfiskimin e armëve. Operacioni përfshinte sulme ajrore dhe vendosjen e qindra trupave ushtarake./REL
Komente
Lajme të tjera
-
Kryeministri izraelit Benjamin Netanyahu shtrohet në spital, do t'i nënshtrohet një operacioni për heqjen e prostatës
28 Dhjetor, 22:00 -
VIDEO/ Momenti kur kreu i OBSH-së evakuohet me emergjencë në aeroportin e Jemenit gjatë sulmit raketor izraelit
28 Dhjetor, 21:49 -
Izraeli bombardon Gazën veriore! 50 të vdekur mes tyre edhe 5 mjekë
27 Dhjetor, 13:21
-
Bashkëshortja e Netanyahut nën hetim, akuzohet se ka frikësuar kundërshtarët politikë në gjyqin për korrupsion të liderit izraelit
27 Dhjetor, 09:59 -
Lufta në Gaza/ Sulme në veri, dhjetëra persona në rrënoja! Forcat ajrore izraelite godasin spitalin 'Kamal Adwan', 50 të vdekur, përfshirë 5 mjekë
27 Dhjetor, 09:24 -
Jemen/ Izraeli bombardon aeroportin e Sanas, kreu i OBSH i mbijeton sulmit dhe rrëfen tmerrin: Po hipnim në avion, u plagos anëtari i ekuipazhit, 2 të vdekur!
26 Dhjetor, 17:02 -
Gaza/ Foshnja e porsalindur vdes nga i ftohti natën e Krishtlindjes, ndërsa Izraeli e Hamasi debatojnë për armëpushim
26 Dhjetor, 14:00
-
Izraeli dhe Hamasi akuzojnë njëri-tjetrin për dështimin e një marrëveshjeje armëpushimi
25 Dhjetor, 16:57 -
Planet e administratës Trump për t’i dhënë fund luftës në Gazë
25 Dhjetor, 16:49 -
Krishtlindje lufte në Palestinë! Të krishterët në kërkim të shpresës, Betlehemi kthehet në një qytet të trishtuar
25 Dhjetor, 12:54 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 16:06 -
Izraeli kap një raketë nga Jemeni, u lëshua pas kërcënimit të ministrit izraelit
24 Dhjetor, 15:28
