Sako në Romanat të Durrësit: I gjetëm njësitë me borxhe nga qeverisja e PD, sot situata është ndryshe! Vota për të djathtën është kthim pas

Kandidatja e PS për bashkinë e Durrësit, Emiriana Sako, njëkohësisht kandidate e Partisë Socialiste për bashkinë e Durrësit, është shprehur në një takim me banorët e Romanatit se reforma teritoriale ka sjellë një situatë totalisht tjetër për njësitë administrative dikur ish bashki, duke bërë që investimet të jenë më të shumta dhe të prekshme nga banorët e zonave të ndryshme. 

"Disa vite pasi hyri në fuqi reforma territoriale, ne kemi tashmë pjesë të bashkisë Durrës edhe ish komunat që qeveriseshin nga Partia Demokratike. Në vitin 2015 i morëm këto njësi të zhytura në borxhe, ndërkohë që nuk kishin bërë asnjë investim, në rrugë, infrastrukturën arsimore, kanalizime apo ujin e pijshëm. Sot situata është krejt tjetër, kemi shlyer borxhet dhe investimet që kemi bërë janë të shumta dhe të prekshme nga banorët e çdo njësie administrative”-tha Sako. 

LEXO EDHE:
Flota e peshkimit në Durrës në krizë ekonomike, kryesindikalisti: Ka burokraci në Ministrinë e Bujqësisë, u dogjën fondet!

Mes të tjerash, ajo u shpreh se borxhet e mbarturave të ish komunave kapnin vlerën e 3.7 milionë dollarëve, që rënduan mbi taksapaguesit e Durrësit. Ndërsa theksoi se pritet të ketë investime të reja në infrastrukturë gjatë 4 viteve të ardhshme.

"Në fshatin Romanat është investuar në infrastrukturën rrugore, ndërkohë që janë evidentuar si prioritet shumë rrugë të tjera, me gjatësi afro 4 km që nisin nga ndërtimi që këtë vit. Kryebashkiakja Sako tha para banorëve të zonës se: “do të zgjidhim edhe problemin e ujit të pijshëm, ashtu siç kemi bërë në Sukth, Katund i Ri dhe njësi të tjera. Për fshatin Romanat është menduar që të shtrohet linjë e re e furnizimit me ujë të pijshëm për të zgjidhur një herë e mirë këtë problem. Të gjitha angazhimet që po marim këtu do të realizohen hap pas hapi dhe kur të vijmë herën tjetër, ju do ta shihni që ne e kemi mbajtur fjalën e dhënë”, - shtoi më tek kryebashkiakja Sako. Ajo shtoi se të gjitha punët e mira, investimet etj, janë punë që janë bërë nga Partia Socialiste, e cila e ka bërë Durrësin një qytet më të mirë, më të pastër, një qytet më të bukur dhe për këto aryse në duhet të ecim vetëm përpara dhe të mos shohim pas"-shtoi ajo. 

Sako iu drejtua iu bëri thirrje banorëve në zgjedhjet e 14 majit të votojnë numrin 2 dhe Partinë Socialiste, duke e cilësuar si të vetmen forcë politike që punon për zhvillimin e vendit.

Lajmi kryesor:

‘Vendoret’/ Kandidatët e forcave politike në terren për bashkëbisedim me qytetarët

B.V/Shqiptarja.com

TAG:
• Durres
• Emiriana Sako