Në Fushë-Krujë dhe në Durrës ka shkuar së fundmi kërkesa me shkrim nga Operacioni Forca e Ligjit për vetëdeklarimin e burimeve të pasurisë e dy shtetasve të dënuar më parë për për veprën penale “Trafikimi i narkotikëve”.
Bëhet fjalë për Shkëlqim Mirin banues në Fushë-Krujë dhe Adem Keçi, banues në Durrës.
OFL u kërkon justifikimin e pasurinë në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda.
![](https://shqiptarja.com/template/img/NO_ALFA_Kuadrate shqiptarja.png)
Miri dhe Keçi duhet tu përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
"OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.
OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë", thuhet në përfundim të njoftimit të Policisë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)