EMRAT/ Ndotën përroin në Kuçovë, vihet nën hetim kryeinxhinier dhe shefi i sigurimit teknik të një ndërmarrjeje për prodhimin e naftës

EMRAT/ Ndotën përroin në Kuçovë, vihet nën hetim kryeinxhinier dhe shefi i sigurimit teknik të një ndërmarrjeje për prodhimin e naftës

Ndotja e përroit në Kuçovë

Një 51-vjeçar, kryeinxhinieri në një ndërmarrje për prodhimin e naftës dhe një teknik 56-vjeçar janë vënë nën hetim, pasi ndotën ujërat e një përroi në qytetin e Kuçovës, duke shkarkuar aty mbetje të hidrokarbureve.

Nën hetim janë vënë Gramoz Meçaj dhe Tomorr Laze.

Menjëherë pas njoftimit për ndotje të ujërave të një përroi në qytetin e Kuçovës, nga shkarkimi i mbetjeve të hidrokarbureve, specialistët e Policisë Kuçovë kanë kryer të gjitha veprimet e nevojshme hetimore dhe procedurale, për të përcaktuar përgjegjësinë penale për ndotjen.

“Në përfundim të këtyre veprimeve u referuan materialet në Prokurori ku nisi procedimi në gjendje të lirë për shtetasit G. M., 51 vjeç, dhe T. L., 56 vjeç, përkatësisht me detyra kryeinxhinier dhe shefi i sigurimit teknik, në një ndërmarrje për prodhimin e naftës, në Kuçovë.

Nga hetimet rezulton se nga aktiviteti në fushën e hidrokarbureve, i ndërmarrjes ku punonin këta shtetas, janë ndotur ujërat përroit, duke qenë se janë shkarkuar aty, në kundërshtim me ligjin, mbetje të këtyre lëndëve”, njofton policia.

Materialet i kaluan Prokurorisë Berat, për veprime të mëtejshme.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Shpërthimi me 2 të vdekur në Lushnjë, 3 të plagosur ende spital, mes tyre dhe deputeti i PS! Sefa: Nesër nis verifikimi për dëmet në banesa e biznese

Shpërthimi me 2 të vdekur në Lushnjë, 3 të plagosur ende spital, mes tyre dhe deputeti i PS! Sefa: Nesër nis verifikimi për dëmet në banesa e biznese