Një 24 vjeçar është vënë në prangat e policisë ditën e sotme, për gjobvënie, pasi nëpërmjet rrjeteve sociale, kanoste ish-të dashurën me video intime.
Report TV mëson se është arrestuar K.K, i cili i bënte shantazh ish-të dashurës duke i kërkuar një shumë të konsiderueshme parash prej 5 mijë eurosh.
Vajza ka denoncuar se më herët 24-vjeçarii ka kërkuar 3 mijë shuma të tjera parash. Në kohë të ndryshme ajo i ka dhënë 3 mijë euro.
Mësohet se vajza vinte nga një familje e pasur.
'Në vijim të punës për kapjen e personave në kërkim dhe vënien e tyre përpara përgjegjësisë penale, specialistët për Hetimin e Krimit në Komisariatin e Policisë Nr. 2 bënë kapjen dhe ndalimin e shtetasit K. K., 24 vjeç, i shpallur në kërkim për veprën penale "Shtrëngimi me anë të kanosjes ose dhunës për dhënien e pasurisë”, pasi nëpërmjet rrjeteve sociale ka kanosur një shtetase, duke e shtrënguar për dhënie pasurie.'- njofton policia.