EMRI/ Policia e Vlorës arreston 50 vjeçarin e shpallur në kërkim për kultivim lëndësh narkotike, e lë të lirë pas vendimit të gjykatës së Apelit

EMRI/ Policia e Vlorës arreston 50 vjeçarin e shpallur në kërkim për kultivim lëndësh narkotike, e lë të lirë pas vendimit të gjykatës së Apelit

Foto ilustruese

Policia e Vlorës ka arrestuar, më pas e ka lënë të lirë 50 vjeçarin Albert Brahimaj i cili ishte i shpallur në kërkim prej 2 vitesh për kultivim të bimëve narkotike në Selenicë të Vlorës.

Menjëherë pas njoftimit të policisë për arrestimin e 50 vjeçarit, u lajmërua lënia e lirë e tij pasi Gjykata e Apelit Vlorë ka vendosur pranimin e kërkesës për prishjen e urdhrit të ekzekutimit dhe rivendosjen në afat të së drejtës së ankimit penal kundër vendimit.

“Në vijim të njoftimit për ndalimin e shtetasit në kërkim Albert Brahimaj, për të cilin u bë ekzekutimi i vendimit të Gjykatës së Shkallës së Parë Vlorë, e cila e kishte dënuar këtë shtetas, me 2 vjet burgim, nga të cilat i kishin mbetur për të vuajtur edhe 1 vit, 10 muaj e 16 ditë, për veprën penale “Kultivimi i bimëve narkotike”, ju bëjmë me dije se nga specialistët për Hetimin e Krimeve në Komisariatin e Policisë Vlorë u bë ekzekutimi i urdhrit të ri të prokurorisë, të datës 01.12.2022, për lënien në gjëndje të lirë të shtetasit Albert Brahimaj, pasi Gjykata e Apelit Vlorë ka vendosur pranimin e kërkesës për prishjen e urdhrit të ekzekutimit dhe rivendosjen në afat të së drejtës së ankimit penal kundër vendimit”-thuhet në njoftimin e policisë.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Debati për ish-agjentin e FBI, sipas jush kush ka të drejtë?



×

Lajmi i fundit

Rusia pretendon se ka fituar terren në rajonin Donetsk të Ukrainës

Rusia pretendon se ka fituar terren në rajonin Donetsk të Ukrainës