Engel: KFOR duhet
të largojë barrikadat

Gjatë ceremonisë së ndarjes së mirënjohjeve që komuna e Manhatanit organizoi për personalitete të njohura amerikano-shqiptare ishte i ftuar edhe kongresmeni amerikan, Eliot Engel, i cili ka theksuar se “Kosova nuk është Kosovë nëse nuk është e plotë me territorin e saj” dhe sipas tij KFOR-i duhet të ndërmerr masa për të larguar barrikadat e krijuara nga grupe kriminale në veri të vendit.

Ai tha se çështja shqiptare në Ballkan nuk është zgjidhur përfundimisht, dhe këtu përmendi ngjarjet në veri të Kosovës, sipas të cilit janë të shkaktuara nga institucione e grupe ilegale.

Me këtë rast presidenti i Manhatan, Skot Stringer, i dorëzoi ministrit të Diasporës së Kosovës, Ibrahim Makolli deklaratën për motërzimin e Komunës së Manhatanit me Komunën e Prishtinës.