Klajdi, djali i vetëm i familjes Kaja u përcoll në banesën e fundit duke lënë dhimbje tek familjarët e miqtë. 28 vjecari nga Bubullima e Lushnjës punonte për ndërtimin e "by-pass" të Vlorës, kur kamioni me të cilin udhëtonte si pasagjer u aksidentua mesditën e së hënës. Klajdi Kaja ishte edhe drejtues i forumit rinor të PD në Bubullim të Lushnjës.
Aksidenti tragjik, largoi nga dy fëmijët e mitur dhe Armand Beun, 32-vjeçarin nga Kavaja, i cili humbi jetën në punë. Familjarët jashtë kamerës treguan se 32-vjeçari kishte disa muaj që punonte me siguracione pranë kompanisë së ndërtimit "Biba X". Ai ishte në drejtimin e mjetit të tonazhit të rëndë dhe lëvizte nga Kanina drejt Orikumit.
Përplasja ka qenë tejet e fortë. Ende policia e Vlorës nuk ka një version të saktë për shkaqet e aksidentit fatal të kamionit të kompanisë së ndërtimit "Biba-X", me dy të vdekur.
Aksidenti ka ndodhur ne kilometrin 17. Firma Biba X ka marrë të drejtën për të asfaltuar rrugën nga kilometri i 19 deri në të 29. Ndërsa burime pranë grupit hetimor thanë se kamioni ishte mbushur me zhavorr të imët mbi kapacitetin e lejuar. Në dishezë ka humbur kontrollin dhe është përplasur fatalisht me shkëmbin, ndërsa inertet kanë zënë poshtë të dy punëtorët.
Burimet thanë se mjeti i tonazhit të rëndë do ti nënshtrohet ekspertizës, pasi mund të ketë pësuar defekt në sistemin e frenimit. 24 orë pas ngjarjes, policia e Vlorës nuk ka shoqëruar asnjë drejtues të kompanisë "Biba X", e cila punon për asfaltimin e rrugës, e kontraktuar nga kompania "Gener 2" që ka fituar tenderin për ndërtimin e by-pass-it të Vlorës.
Klajdi Kaja
Armand Beu
Klajdi, djali i vetëm i familjes Kaja u përcoll për në banesën e fundit duke lënë dhimbje tek familjarët dhe miqtë. I riu nga fshati Halilaj i Lushnjës po punonte për ndërtimin e Bypass-it të Vlorës, kur kamioni me të cilin udhëtonte si pasagjer u aksidentua mesditën e së hënës. Përmes lajmërimit të vdekjes zbulojmë se Klajdit iu pre jeta në mes në moshën 31-vjeçare, ndryshe sa thuhej, 28 vjeç, në njoftimin e Policisë së Vlorës.
Kjo është banesa në të cilën jetonte 31-vjeçari, bashkë me dy prindërit, të cilët janë të thyer nga vdekja e birit të vetëm të familjes. Që kur morën vesh lajmin e kobshëm, një infermiere u qëndron te koka gjithë kohës. Shtëpia është e mbushur me njerëz, familjarë e të afërm, të cilët vijnë të ngushëllojnë prindërit. Vdekja tragjike e Klajdit ka tronditur edhe të motrën, Gertën, e cila nuk e kishte imagjinuar asnjëherë një fat të tillë për të vëllain. 31-vjeçari prej rreth një viti punonte në kompaninë “BIBA-X”, me të cilën fillimisht kishte punuar në Theth, më pas në Gjirokastër dhe së fundmi për Bypass-in e Vlorës.
I ati i Klajdit, Esati, mezi e kishte rritur, për vite të tëra në emigrim në Greqi kishte arritur të ndërtonte një shtëpi të mirë, për një jetë të mirë. Në Greqi qëndroi për disa vite edhe vetë Klajdi, por u kthye. Dy prindërit në vitet e fundit merreshin me bujqësi, ndërsa Klajdi ishte sistemuar në kompaninë “BIBA-X”. Familjarët i thanë Report Tv, jashtë kamerës, se nuk e dinin rrogën e Klajdit, por ishte disi i kënaqur edhe pse prej kohësh kishte shfaqur dëshirën të largohej drejtë Evropës, në Irlandë, dëshirë që nuk iu plotësua asnjëherë.
Klajdi njihej nga miqtë si djalë i qeshur, i respektueshëm dhe që e donte shumë jetën. Një mik i tij rrëfen se ai dashuronte shpejtësinë dhe nganjëherë e tejkalonte atë me makinën e tij, por gjithsesi ishte shofer shumë i zoti. Me Benzin e tij ai shkonte në punë, çfarë i shpenzonte jo pak, sidomos në këtë periudhë të vështirë të rritjes së çmimit të karburantit. Kur kthehej në shtëpi pas pune kishte dëshirë të luante bilardo, në një lokal në fshatin Bubullimë. Por Klajdi kishte qejf edhe politikën, prej disa kohësh ishte zgjedhur kryetar i Forumit Rinor të Partisë Demokratike në njësinë Bubullimë.
Bashkë me Klajdit humbi jetën në aksidentin tragjik edhe Armand Beu, drejtuesi 32-vjeçar i kamionit. Si Klajdi, edhe Armandi ishte djalë i vetëm, por baba i dy fëmijëve të mitur, një djali dhe një vajze.
Komente
Lajme të tjera
-
Njëri i dënuar me 20 muaj burg për shitje droge dhe tjetri me masë arresti për goditje për shkak të detyrës, 2 të arrestuar në Vlorë dhe Sarandë
27 Nëntor, 15:07 -
Vlorë/ U kap me makinë “Range Rover” të vjedhur në Itali, Policia procedon për trafik mjetesh 34-vjeçarin
27 Nëntor, 13:16 -
Himarë/ Plagosi me thikë burrin e motrës, arrestohet 27-vjeçari
27 Nëntor, 12:52 -
Reportazh/ Fshati Bajkaj i Delvinës në 'luftë' me etjen! Një dramë njerëzore mes premtimeve të pambajtura dhe shterimit të burimit të ujit
27 Nëntor, 10:27
-
Vlorë/ 250 punonjës të Fasonerisë në protestë për kushtet e punës, 8 muaj nuk paguhen siguracionet
27 Nëntor, 09:06
-
U shkarkua në 2021 pasi nuk provoi burimin e ligjshëm të pasurisë, KPA lë në fuqi vendimin e KPK për gjyqtarin e Apelit të Vlorës, Nazmi Troka
26 Nëntor, 09:23 -
Vlorë/ Digjen një makinë dhe një motor në një banesë rrugës për në Kaninë, dyshohet e qëllimshme (VIDEO)
26 Nëntor, 09:00 -
Shisnin fishekzjarrë pa leje në Vlorë, në hetim pronarët e 3 dyqaneve
23 Nëntor, 11:20 -
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31 -
Aksident në fshatin Lapardha të Vlorës! Shoferi humb kontrollin e mjetit dhe del nga rruga
22 Nëntor, 16:46 -
Moti i keq përfshin Vlorën, mbetet i pezulluar lundrimi në det! Ndërprerje energjie në disa zona
22 Nëntor, 12:44
Te arrestohet Luan Biba
PërgjigjuDuhet te Arrestoher Luan Biba administratori gjak pires qe s do vellain e tij jane ne gjygj
Përgjigju