Enri Mato sjell 13 artistë në
Tiranë për Festivalin e fotografisë

Artisti Enri Mato ka kuptuar se fotografia ka aftësinë për të interpretuar ngjarjet nga këndvështrimi i syrit.
 
“Ajo i jep një zë për ata të cilët përndryshe nuk do të ketë një zë. Dhe si një reagim, ajo stimulon opinionin publik.”, thotë ai. 

Enri Mato kurator dhe organizator i të vetmit Festival Fotografie në Shqipëri ka ekspozuar në Qendrën Rinore 13 punime nga fotografë të vendeve të ndryshme të botës. 

Ekspozita u organizua nën kujdesin e Zonjës së Parë, pasi festivali që titullohet TIPhF (Tirana Internacional Photo Festival) është edhe pjesë e rrjetit të festivaleve Europiane të fotografisë. 



Festivali është promovuar në nëntor të vitit 2014 në EU- Info Center, në Tiranë dhe në prill të vitit 2015 festivali u organizua në një qendër kulturore në Paris, ku u ekspozuan 13 punime nga fotografë të vende të ndryshme të botës.
 
Ky është prezantimi i edicionit të dytë të festivalit të fotografisë.
 
“Fatkeqësisht shpejtësia, frenetizmi i kohës që jetojmë, bëjnë që çastet dhe momentet tona më të bukura, pse jo historike, të jenë shpeshherë të zbehta në memorien tonë.
 
Ky frenetizëm i lidhur me materialen ecën paralel me harresën.”, tha Enri Mato në fjalën e hapjes.
 
Mato tha ndër të tjera se “Një gjë e them me bindje… Ne kemi zgjedhur shpirtëroren dhe duhet te jemi krenarë për këtë.” 

Mato e ka quajtur edhe si një festë ditën e djeshme, sepse sipas tij TIPhF ka hyrë në Rrjetin e Festvaleve Europiane te Fotografisë.








 Foto të tjera..

“TIPhF organizohet midis Tiranës dhe Parisit, kjo për arsyen se kemi krijuar një traditë kulturore të përbashkët.
 
Tema e festivalit për këtë edicion është: “Deformation of mankind by human, anamorphosis of the city by human, human as a devastator”, një temë e prekshme dhe globale, e përzgjedhur për të prekur ndjesitë humane të dokumentuara përmes fotografisë.” - theksoi artisti fotograf Mato, duke shtuar se:

Këtë vit TIPhF ftoi 6 fotografë nga të cilët 3 janë me origjinë shqiptare. Andrea Shkreli (Belgjikë); Roland Serani (UK); Dashamir Izairi (Gjermani) ; Aicha Krasicka (Francë) ; Lila Zotou (Greqi) dhe Simone Ludovico (Itali) Sipas Enri Matos, juria ndërkombëtare përzgjodhi 6 fotografë internacionale: Antonio Fantasia (Itali); Carma Casula (Spain); Julien de Casabianca (Francë); Nicola Boccardi (Itali); Peer Schoun (Gjemani) dhe Marta Zgierska (Poloni). Ekspozita e edicionit të dytë të TIPhF do të qëndrojë e hapur në Qendrën Rinore të Tiranës deri më 22 prill 2016.

Redaksia Online
(F.T/shqiptarja.com)