TIRANE- Enti Kombëtar i Banesave ka bërë me dije se ka nisur procedurat e përzgjedhjes së përfituesve të banesave me kosto të ulëta në 5 bashki. Përmes një njoftimi zyrtar Enti ka bërë publik fazat përmes të cilave do kalojë përzgjedhja e familjeve përfituese dhe qytetet ku do ndahen apartamentet me kosto të ulët.

"Enti informon qytetarët që kanë aplikuar për banesë me kosto të ulët në qytetet Fier, Kavajë, Lushnje, Berat e Librazhd se kanë filluar procedurat e përzgjedhjes së përfituesve në objektet e financuara nga Enti Kombëtar i Banesave”, thekson EKB në njoftimin zyrtar.