Moti i keq që ka përfshirë vendin orët e fundit ka shkaktuar probleme në qytetin e Beratit. Si pasojë e erës së fortë dhe rrebesheve një pemë rrapi është thyer dhe ka rënë mbi rrugë.
Për disa minuta qarkullimi i automjeteve mes dy urave asaj të Goricës dhe Urës së Varur është bllokuar. Nga rrëzimi i kësaj peme janë dëmtuar hekurat mbrojtës anës rrugës së këmbësorëve.
Ndërkohë që për largimin e saj nga rruga, si pasojë e përmasave të mëdha është dashur ndërhyrja e zjarrfikësve të qytetit. Ata kanë bërë të mundur prerjen në copa të pemës dhe më pas largim e saj nga rruga.
Fatmirësisht në zonë nuk raportohet për probleme të tjera.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)