Era e fortë riaktivizon vatrën e zjarrit në pikën e grumbullimit të mbetjeve në Vlorë

Era e fortë ka riaktivizuar vatrën e zjarrit në pikën e grumbullimit të mbetjeve në Vlorë. Lajmi konfirmohet nga burime për gazetarin e Report Tv, Armand Xhelili, teksa siç shihet në pamjet, në vendngjarje kanë shkuar forcat zjarrfikëse të cilët po përpiqen që të vënë në kontroll vatrën e zjarrit.

Fushës së mbetjeve iu vu zjarri 2 ditë më parë, gjatë orëve të para të mëngjesit, ku nga raportimet paraprake dyshohet për zjarrvënie të qëllimshme, pasi më parë mbeturinave i është vënë flaka nga persona që mbledhin mbetje plastike apo dhe hekurishte, që i djegin për të patur lehtësira në gjetjen e tyre.

Më herët, kryetari i bashkisë së Vlorës Dritan Leli, tha se ky është një problem i mbartur ndër vite që do t'i vijë fundi kur të përfundojë landfilldi i Sherishtës, për të cilin tha mund të përfundojë përpara nisjes së sezonit veror. 

Lajmi kryesor:

Era e fortë rrëzon të riun nga çatia në Berat, 26-vjeçares i bie në kokë depozita e ujit! Riaktivizohet zjarri në pikën e grumbullimit të mbetjeve! Në Shëngjin pezullohet lundrimi

B.K./Shqiptarja.com

TAG:
• dritan leli
• fusha e mbetjeve
• zjarrfikese
• zjarr
• Vlore