TIRANË- Moti i keq, me erë të fortë që është regjistruar ditën e sotme ka sjellë pasoja në disa qytete të vendit. 2 persona janë plagosur në Berat, ku 26-vjeçar ra nga çatia teksa po montonte panelin diellor, teksa 17-vjeçareje tjetër i ka rënë depozita e ujit sipër. Të dy janë dërguar në spital, ku po marrin kujdesin e duhur mjekësor.
Në Vlorë, u riaktivizua vatra e zjarrit në pikën e grumbullimit të mbetjeve të qytetit të Vlorës. Ndërkohë, po në qytetin bregdetar, është shembur nga era e fortë baza strukturore e kalçetos në Orikum, duke bërë që futbollistët e skuadrës të largohen me shpejtësi, por fatmirësisht nuk ka pasur pasoja.
Në Shëngjin, si pasojë e erës së fortë dhe detit me dallgë mbi 8 ballë është pezulluar lundimi në port deri në përmirësimin e situatës.
Është shembur nga era e fortë baza strukturore e kalçetos në Orikum, duke bërë që futbollistët e skuadrës të largohen me shpejtësi.
Fatmirësisht nuk ka asnjë person të lënduar por fusha sportive ka pësuar dëme. Skuadra e Orikumit kishte zgjedhur të zhvillonte stërvitjen në kalçeto për shkak të situatës nga moti.
Moti keq me shi dhe erë të forte, ka detyruar kapitanerinë e portit të Shëngjinit që të pezulloje lundrimin detar.
Prej mesditës së sotme mjetet lundruese të të gjitha llojeve janë ankoruar në port.
Aktualisht shpejtësia e erës në det hapur është 20m/s si dhe dallgët e detit 7-8 ballë me drejtim jug/perëndim.
Stuhia e fortë e erës që vijon ende në qytetin e Kuçovës, ka regjistruar 2 ngjarje të rënda aksidentale. Një djalë 26-vjeç, i cili ishte duke punuar për montimin e një paneli diellor në shtëpinë e një të afërmi të tij ka rënë nga soleta e shtëpisë nga era e fortë. Rrëzimi nga një lartësi rreth 3 metër i ka shkaktuar të riut nga fshati Tapi në rrethin e Kuçovës fraktura dhe shembje në të gjithë trupin.
Gazetarja e Report Tv, Mimoza Sinanaj mëson se Majkëll Vrapi është gjetur pa ndjenja në tokë dhe është transportuar drejt Spitalit Rajonal Berat. Ai aktualisht ndodhet në sallën e operacionit në Repartin e Kirurgjisë, ndërkohë që mjekët deklarojnë se gjendja e tij është e rëndë.
Një tjetër ngjarje e rëndë ka ndodhur në afërsi të Spitalit të Kuçovës. Si pasojë e stuhisë së fortë, një depozitë uji është shkëputur nga çatia dhe ka rënë sipër një vajze 17-vjeçe,që ishte duke kaluar në rrugë. Vajza me inicialet S.K është ngritur nga kalimtarët e rastit dhe është dërguar në spital. Edhe 17-vjeçarja ndodhet në Spitalin Rajonal të Beratit, ku po ekzaminohet nga mjekët. Ajo është jashtë rrezikut për jetën edhe pse me fraktura dhe plagë të shumta.
Era e fortë ka riaktivizuar vatrën e zjarrit në pikën e grumbullimit të mbetjeve në Vlorë. Lajmi konfirmohet nga burime për gazetarin e Report Tv, Armand Xhelili, teksa siç shihet në pamjet, në vendngjarje kanë shkuar forcat zjarrfikëse të cilët po përpiqen që të vënë në kontroll vatrën e zjarrit.
Fushës së mbetjeve iu vu zjarri 2 ditë më parë, gjatë orëve të para të mëngjesit, ku nga raportimet paraprake dyshohet për zjarrvënie të qëllimshme, pasi më parë mbeturinave i është vënë flaka nga persona që mbledhin mbetje plastike apo dhe hekurishte, që i djegin për të patur lehtësira në gjetjen e tyre.
Më herët, kryetari i bashkisë së Vlorës Dritan Leli, tha se ky është një problem i mbartur ndër vite që do t'i vijë fundi kur të përfundojë landfilldi i Sherishtës, për të cilin tha mund të përfundojë përpara nisjes së sezonit veror.
Lajme të tjera
-
Reshjet e dëborës në disa akse, ARRSH: Drejtuesit e mjeteve të pajisen me goma dimërore dhe zinxhir! Borëpastrueset në terren
24 Dhjetor, 08:39 -
Moti për sot/ Reshje shiu dhe dëbore në gjithë territorin
24 Dhjetor, 07:40 -
Moti i keq/ Pezullohet lundrimi i trageteve Durrës-Bari e anasjelltas, në Vlorë trageti mbetet në radë! Rruga e Arbrit e pakalueshme
23 Dhjetor, 13:45 -
Mot me shi, ndalohet lundrimi i peshkarexhave në Vlorë! Vijon normalisht për tragetet
20 Dhjetor, 10:29 -
Bulqizë/ Reshje të dendura shiu, bëhet e pakalueshme rruga që lidh dy lagjet e qytetit! Banorët heqin këpucët për të kaluar (VIDEO)
15 Dhjetor, 11:51 -
Moti i keq/ Kapiteneria e Portit të Durrësit dhe Vlorës ndalon sot lundrimin e anijeve të vogla të peshkimit! Tragetet vijojnë normalisht
14 Dhjetor, 10:06 -
Moti i keq/ Reshje të dendura bore në veri të vendit! Vështirësi në qarkullim, Policia thirrje drejtuesve: Përdorni zinxhirë
9 Dhjetor, 07:29 -
Moti i keq/ Korça dhe veriu i vendit nën ‘pushtetin’ e borës, trashësia deri në 60 cm! Mijëra banorë pa energji, s'ka probleme me qarkullimin (VIDEO)
1 Dhjetor, 09:48 -
Aksident nga moti i keq në aksin Morinë-Kukës, mjeti del nga rruga! S'ka persona të plagosur
30 Nëntor, 21:55 -
Reshjet e dendura të dëborës në Rrugën e Kombit dhe Bulqizë, policia apel shoferëve: Pajisuni me zinxhirë dhe goma dimërore, asnjë aks rrugor i bllokuar
30 Nëntor, 16:30 -
Turizmi i bardhë, nis sezoni i skive në Dardhë të Korçës! Lëvizja e mjeteve vetëm me goma dimërore! Reshjet e dëborës në 'Rugën e Kombit', policia apelon: Pajisuni me zinxhirë
30 Nëntor, 08:59 -
Moti i keq/ Reshje shiu në mbarë vendin, në zonat malore borë! Gurë e inerte në rrugë, ARRSH: Kujdes në qarkullim
29 Nëntor, 15:56
