POP 5

Lajmet më të lexuara të 5 minutave të fundit

Sport

Erdhi për punë, por dashuria e la në Tiranë tifozin e Feyenoord! Najdam për Report TV: Do vijnë 20 mijë tifozë nga Holanda për finalen, çmimet e hoteleve normale

Jorik Najdam është një ndër tifozët e shumtë që skuadrën e zemrës, Fejnordin, do ta shohë nga afër. Për report Tv ai tregon se si një udhëtim për punë i 10 viteve më parë, i ndryshoi fatin, pasi në Tiranë gjeti dashurinë e jetës.

Kur 10 vjet më parë erdhi për të punuar në Shqipëri, Jorik Najdam nuk e kishte menduar se fati do ta lidhte përjetë me këtë vend. Tashmë holandezi ka krijuar familje në Tiranë dhe fati e deshi që ekipin e zemrës ta rishohë pas shumë kohësh nga afër.

“Kam 10 vite këtu në Shqipëri dhe kam ardhur për arsye pune. Më pas takova nusen dhe tani jam akoma në Shqipëri,”- u shpreh Jorik Najdam, tifoz i Feyenoord.

Najdam thotë me bindje se nuk e ka ndërmend të kthehet në Holandë, pasi Shqipëria i pëlqen shumë.

“Këtu ka shumë diell, ushqimi është i mirë dhe njerëzit po ashtu,”-thotë Jorik Najdam, tifoz i Feyenoord.

Jorik është pronar i një agjencie turistike dhe këto 3 javë thotë se ka qenë shumë i kërkuar nga bashkëkombasit.

“Më kanë kontaktuar shumë holandezët, tani edhe shqiptarët që duan të shesin bileta. Edhe holandezët më kanë kërkuar t’iu gjej bileta kështu që mund të rregulloj diçka,”-deklaroi Jorik Najdam, tifoz i Feyenoord.

Mund të na thuash sa është çmimi i biletave tani, pasi dihet që fillimisht kanë dalë në treg nga 25 euro deri në 125 euro. Duke parë kërkesën e madhe për bileta kush është shuma që të ka bërë më shumë përshtypje?

“Çmimet e biletave në fillim ishin 1000 euro-1200 euro, shumë shumë shtrenjtë. Tani janë ulur pak dhe janë rreth 400-500 euro. Kan ardhur dhe shumë tifoz me makinë, me avionë dhe besoj se janë rreth 20 mijë nga Feyenoord,”-tha Jorik Najdam, tifoz i Feyenoord.

Përveç biletave ka kapur probleme me akomodimet?

“Po. Kanë pasur probleme sepse janë shtrenjtuar, por ka ndodhur se ka shumë kërkesë,”-deklaroi Jorik Najdam, tifoz i Feyenoord.

Si janë ndierë tifozët kur i keni tregua për këtë rritje çmimesh?

“Është normale, është normale,”-tha ai.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

24 Nëntor, 09:30