Erdogan me deklarata kërcënuese ndaj kryeministrit grek: Kujdes Mitsotakis! Nëse gabon, 'turqit e çmendur' do të vijnë

Presidenti turk, Rexhep Tajip Erdogan, ka vazhduar me deklaratat e tij kërcënuese ndaj Greqisë, këtë herë duke specifikuar kryeministrin grek, Kyriakos Mitsotakis.

Sipas mediave greke, Erdogan ka kërcënuar kryeministrin grek, duke i thënë këtij të fundit se nuk duhet të bënte gabime ndryshe do të kishte kundërpërgjigjie nga ‘turqit e çmendur’.

“Shiko Mitsotakis, ti po flet aty-këtu. Mbaj parasysh se turqit e çmendur do të vijnë nëse përpiqeni të bëni një gabim"- citohet të jetë shprehur presidenti turk.

LEXO EDHE:
Greqi/ Tentoi të digjte me benzinë ish gruan në sy të djalit, dënohet me 12 vite burg 52 vjeçari shqiptar

Mes të tjerash ai ka vijuar thirrjet ndaj grekëve duke kërkuar çmilitarizimin e ishujve të cilët sipas tij janë armatosur kundër Turqisë. Deklarata e Erdogan vjen pasi Mitsotakis deklaroi gjatë forumit ekonomik në Davas, se pavarësisht se Greqia po bën përpjekje për dialog, është Turqia ajo që përpiqet të krijojë tensione.

“Ne nuk do të hyjmë në luftë me Turqinë, por në tre vitet e fundit kemi përjetuar shumë tensione dhe jo vetëm për Kastellorizon”. “Ne duhet të jemi në gjendje të ulemi me Turqinë si të rritur të arsyeshëm dhe të diskutojmë çështjen e shelfit kontinental dhe zonave detare në Egje. E bëmë me sukses me Italinë dhe Egjiptin, me Shqipërinë do ta çojmë çështjen në Hagë”- u shpreh Mitsotakis.

B.V/Shqiptarja.com

TAG:
• turqi
• greqi
• tensionet greqi-turqi
• Kyriakos Mitsotakis
• Rexhep Taip Erdogan