Ceremonia që do të kryhet më 28 Gusht përkon dhe me konferencën në Berlin mbi Ballkanin e organizuar nga Angela Merkel. Ndërsa në Berlin, Shqipëria do të përfaqësohet nga Kryeministri Rama, Nishanit i takon roli ceremonial në Ankara përkrah me liderët e 51 vendeve dhe zyrtarëve të ndryshëm nga tetë organizata ndërkombëtare.
Me rastin e ceremonisë mësohet se SHBA dhe Kina do të dërgojnë delegacionet e tyre me zyrtarë ndërsa Rusia, Gjermania dhe Holanda do të përfaqësohen me ministrat e tyre të jashtëm. Nuk është bërë ende e ditur arsyeja, por Egjipti dhe Izraeli nuk janë të ftuar të marrin pjesë në ceremoni.
Gjithashtu Bashar al-Assad nuk është i ftuar, pasi Turqia nuk e njeh atë si liderin legjitim të Sirisë dhe në të tij ftesa i ka shkuar Hadi al-Bahra, president i Koalicionit Kombëtar të Revolucionit Sirian dhe disa forcave të tjera opozitare siriane. Erdogan në postin e presidentit të Turqisë do të zëvendësojë presidentin në largim Abdullah Guel ndërsa kreu i ekzekutivit pritet të zgjidhet Ahmet Davutoglu.
Redaksia Online
(e.n/shqiptarja.com)